Page 323 - Кун кууьар хайатыттан

кэ сүбэлииргэ үөрэммит, баҕар, биир тэллэххэ сыттаххытына,
ордук үчүгэйдик сүбэлиэҕэ!..
Сэттис күннээх ахтыы кэмэ кэлбитэ. Кырдьаҕас Баалы
дьиэтигэр, кинини ахтан-санаан ааһаары, эмиэ элбэх киһи
мустубута. Арай, Омурбек эрэ кэлбэтэҕэ, бука, Шумкалпак
итирэн баран, ону-маны ордук хоһу, дьаабыны, хойохтооҕу
саҥарыа диэн сэрэммитэ буолуо...
Шумкалпак бу да сырыыга күүскэ испитэ.
Дьон борук-сорукка тарҕаспыттара. Шумкалпак тэлгэһэ-
тигэр тахсыбыта. Ахтыы күнүгэр анаан туттубут бараанын ти-
риитин санаабыта, онтун, сарсыҥҥа диэри соспокко, тууһу-
нан соторго быһаарыммыта.
Онто баара, сарай аанын арыйаат, ыала Омурбек ытын
Эркеталтаны19 көрө биэрбитэ. Кырдьаҕас хап-хара доҕолоҥ
ыт бараан тириитин кирэ сытара. Ыт Шумкалпактан доҕо-
лоҥ буолбута, икки сыл анараа өттүгэр алҕаска массыына
көлүөһэтигэр киирэн биэрбитэ. Ол кэннэ ыаллыылар иккиэн
ыты ыарылыыр, харайар кэмнэригэр Эркеталтан диэн ааттаа-
быттара.
Омурбекка өстүйэ сылдьар Шумкалпак үллэ кыыһырбыта.
— Сидьиҥ иччилээх ыт итинтэн атын буолуо дуо? — диэн
өһүөннээхтик баллыгыраабыта. — Көрбөккүөн, хайдах курдук
туора киһи баайын мэҥиэстэрий?!
Тула өттүн элээр-мэлээр көрүөлээбитэ, хайдах гынан ыты
уонна Омурбегы ордук күүскэ иэстэһиэн тобула сатаабыта.
Онтон сарай муннугар канистралаах бензин турарын таба бү-
дүүлээн хаба тардан ылбыта, атын илиитинэн сиэбин хастан
испиискэ көрдөммүтэ. Булбута.
Эркеталтан буруйун билинэн хараҕа сүүрэлээн ылбыта.
Киһи тугу гыныаҕын күүтэн сыта түспүтэ. Онтон, аргыый
туран, аан диэки Шумкалпакка доҕолоҥнообута.
— Мэ... мэ, доҕоччуок! Мэ... мэ... Кэл миэхэ, Эркеталтан-
чик, мин билигин эйигин бу манан күндүлүөм... — Шумкал­
пак чохчойон олорон ыкка испиискэни хам туппут илиитин
ууммута.
Ыараханнык тыынан ылбыта. Онтон Омурбек туһунан са-
наат, кырыгырбыт санаата эмиэ оргуйан турбута.

19 Эркеталтан — атаах доҕолоҥ.
321
21-18