Page 194 - Сэрии кэмин оҕолоро 2 кинигэ

II ӨСПӨХ нэһилиэгэ

любская Галя, Борисов Сеня, Гоголев Боря, Горохов Кеша, Егоров Ваня, Румянцев
Вася, Румянцев Коля, Румянцев Гоша, Румянцева Роза, Саввина Люся, Сивцев Кеша.
Бу оҕолортон 1957 сьншаахха 4-с кылааһы маннык оҕолор бүтэрбиппит: Белолюб-
ская Галя, Борисов Сеня, Гоголев Боря, Румянцев Вася, Румянцев Коля, Румянцева
Роза, Саввина Люся, Горохов Петя (Афанасьевич), Румянцева Люда (Иван Семенович
балта).
Мин онтон 1962 сыллаахха Найахыга 8 кылааһы, 1965 сыллаахха Дүпсүн оскуолатын
11-с кылааһын бүтэрэн, комсомольскай путевканан Горохов Атеша, Коля буоламмыт
төрөөбүт Өспөхпүтүгэр холкуоска 2 сыл үлэлээн баран, 1967 сыл саас үөрэххэ туттар-
саары Бороҕоҥҥо бэлэмнэнии куурсугар үөрэнэ киирбиппит. Мин ол саас тымныйан,
тыҥабынан ыалдьан, икки сыл эмтэнэн, 1969 сыл күһүнүгэр Хабаровскай куоракка
үөрэххэ киирэн, 1974 сыллаахха үөрэхпин бүтэрэн, эбиитин кэргэннэнэн, Бороҕонноо-
ҕу спортивнай оскуолаҕа тренеринэн үлэбин саҕалаабытым.
Дьэ, онтон ыла 20 сыл устата, төрөөбүт Уус Алданым оройуонугар араас үлэлэргэ
үлэлээн кэллим. Ол курдук Лөгөй орто оскуолатыгар учууталынан, Партизан Заболоц-
кай аатынан сопхуоска спортинструкторынан, онтон партияҕа ылыллан, сүөһү, онтон
хонуу үлэлэригэр биригэдьииринэн, оройуон агропромышленнай холбоһугун проф-
сойууһун сэкирэтээринэн, оройуон сэбиэтин спорка комитетын бэрэссэдээтэлинэн,
«Партизан Заболоцкай» сопхуос парткомун сэкирэтээринэн, онтон партия «эстэн»,
Кэптэни, Хомустаах, Даалы, Уһун Күөл, Биэттэ бөһүөлэктэрин ититиллиитин салайан
үлэлээбитим. 1994 сылтан оҕолорбун үөрэттэрээри Дьокуускай куоракка киирэн үлэ-
лээн, 2000 сыллаахха бочуотгаах сынньалаҥҥа (биэнсийэҕэ) тахсан баран, билигин
Дьокуускай куоракка олоробун.
Олоҕум аргыһа Парасковья Романовна — сибээс үлэһитэ, ССРС сибээһин туйгуна,
өр сылларга Кэптэнигэ, Бороҕоҥҥо почтаҕа үлэлээбитэ.
Түөрт оҕолоохпут, икки уол, икки кыыс. Оҕолор бары Дьокуускай куоракка олорол-
лор, үлэлииллэр.
Онтон бэйэм, физкультура учуутала идэлээх буолан, эдэр сааспар спорду олоҕум
аргыһа оҥостон, чэпчэки атлетиканан, атах оонньуутунан, волейбол, баскетбол кур-
дук көрүҥнэринэн дьарыктанан, атах оонньуутугар Саха АССР уонна РСФСР спордун
маастара, 1969 сыллаахха Майаҕа ыытыллыбыт Баһылай Манчаары П-с спартакиада-
тын кылыыга кыайыылааҕа, үрдүгү көтүүгэ оройуонум рекордсмена (көрдөрүүм 175
см) буолуталаабытым.
Волейболга Саха АССР норуоттарын УШ-с спартакиадатыгар 1978 с. 3-с миэстэ-
ни ылбыппыт, «Урожай» ДСО Уобаластааҕы Сэбиэтин күрэхтэһиитин кыайыылааҕа,
1975, 1976 сылларга призера буолуталаабытым. Кэлин, 1991 сылтан, «Сахава» (Саха во-
лейболга ассоциацията) тэриллэн, бэтэрээннэргэ 70 сааспар диэри оонньоон кэллим.
60 сааспын туоларбар (2005 сыллаахха) «Сахава бочуоттаах маастара» диэн ааты Уус
Алдан волейболистарыттан бастакынан иҥэрбиттэрэ.
Баскетболунан 50 сааспар, волейболунан 70 сааспар диэри оонньоон кэллим, онон
оскуолаҕа кыра кылаастартан саҕалаан, эдэр ыччат физкультуранан уонна спордунан
утумнаахтык дьарыктанан, чөл, чэгиэн-чэбдик олохтоох дьон буола улаатаргытыгар
баҕарабын уонна төрөөбүт Өспөҕүм ыччатын дойдугутун мэлдьи үчүгэй эрэ өттүнэн
ааггата сылдьаргытыгар ыҥырабын.

Д ъ о к у у ск а й к уо р а т
С эт иннъи 10 к у н э 2 0 1 9 с.

190