Page 16 - Сэрии кэмин оҕолоро 1 кинигэ

БААТАБАЙ нэһилиэгэ

1962 сыллаахха сайын Сатаҕайга ньирэй көрө барбытым. Онно эмиэ 40 ньирэйи
биэрбиттэрэ. Сивцева Татьяна Петровна ньирэй көрөөччүнэн баара. Кыстыкпытыгар
Орто Эбэҕэ барбыппыт. От тиэйээччилэрбит: Лазарев Андрей Спиридонович, Лазарев
Алексей Кузьмич. Нуучча дьиэтигэр саха дьиэтэ салҕааһыннааҕа, бары элбэх буолан
онно олорбуппут. Копырин Николай Николаевич кэргэнинээн Маайыстыын сүөһү
көрбүттэрэ. Андрей Спиридонович ийэтинээн Балбааралыын бааллара. Орто Эбэҕэ үс
сыл кыстаабытым.
Бу иннинэ үс сайын отчуттарга повардыырым, кыһынын учаастакка сүөһү
көрөөччүнэн үлэлиирим.
1961 сыллаахха Сыырдаах диэн сиргэ кыстаабыппыт. От тиэйээччибит Готовцев
Семен Семенович, Лазарев Андрей Спиридонович, субай көрөөччү Готовцева Варвара
Никитична, тунуй бургунастары көрөөччү Готовцева Ульяна Касьяновна, борооску
көрөөччү Сивцева Татьяна Петровна бааллара.
Хаһалаахха ньирэй көрөн сайылаан олордохпуна, Матрена Семеновна комсомол
сэкирэтээринэн, старшайынан үлэлээбитэ. Элбэх буоламмыт биир саха балаҕаныгар
сайылаабыппыт. Биһиги фермабытыгар тойон, хотун бөҕө кэлэн мунньахтаан, үлэ-хам-
нас туһунан кэпсииллэрэ. Степанов Иван Николаевич фермабыт сэбиэдиссэйэ этэ.
Найахыттан төрүттээҕэ, кэлэн мунньахтаан, таабыл оҥорон, ньирэйдэри ыйааһыннаан
эбиллиитин көрөрө, ол аата 24-тээхтэрэ диэн буолара.
1963 с. Среднеленскэй оройуоҥҥа Баатаҕай нэһилиэгэ уонна Нам оройуона хол-
боһуутугар слет буолбута, онно «Ударник коммунистического труда» диэн удостове-
рение биэрбитгэрэ. Ити сьш күһүн Нам сиригэр Бойняҕа көспүппүт. Хотоннор бары
эргэрэн тураллара. Элбэх киһи буолан кыстыы барбыппыт. Хотоннорбутун, олорор
дьиэлэрбитин өрөмүөннээн, сыбаан оҥостон олорбуппут. Дьукаах ыалым: Белолюб-
скай Бүөтүр (Мээчик), кэргэнэ Өкүлүүн, Ульяна Касьяновна, Сивцев Петр Петрович
буолан кыра балаҕаҥҥа олорбуппут. Кыстаан баран муус устар бүтүүтэ кэргэн тахсан
Бороҕоҥҥо көһөн кэлбитим.
1984 с. Көйбөххө ыанньыксыттыы сырыттахпына, путевка биэрэннэр, Татьяна Заха-
ровна салалтатынан Минскэй куоракка Брестскэй кириэппэскэ барбыппыт. Москваҕа
икки хонон Кремльгэ сылдьыбыппыт.
1975-1982 сс. Бороҕоҥҥо «Якутколхозстрой» тэрилтэҕэ үлэлээбитим.
1986-1994 сс. Бороҕоҥҥо «Мясомолкомбинакка» үлэлээн биэнсийэҕэ тахсыбытым.
2014 сыллаахха «Баатаҕай нэһилиэгин тыатын хаһаайыстыбатын сайдыытыгар кы-
лаатын иһин» бэлиэнэн наҕараадаламмытым.

Лукина Ирина Романовна
Мин 1939 сылга от ыйын 29 күнүгэр Горнай оройуонун Мы-
таах нэһилиэгэр холкуостаах ыалга төрөөбүтүм. Аҕам Лукин
Роман Филиппович, 1908 сыллаах төрүөх, кини убайа Лукин
Дмитрий Филиппович, 1902 с. төрүөх, иккиэн Аҕа дойду сэ-
риитигэр баран өлбүттэрэ. Аҕам маҥнайгы хомуурга 1941 сыл-
лаахха барбыт уонна 1942 сыллаахха ыам ыйын 22 күнүгэр 2190
нүөмэрдээх полевой госпитальга өлбүт. Кини Ленинградскай
уобалас Селигце бөһүөлэккэ госпиталь братскай могилатыгар
көмүллэ сытар. Убайа Лукин Дмитрий Филиппович Сталин-
градскай уобаласка Кузьмичи дэриэбинэҕэ көмүллэ сытар диэн
«Мытаах» диэн кинигэҕэ аахпытым.
Ийэм Лукина (Андреева) Варвара Михайловна холкуоска
ыанньыксыггаабыта. Кини ыарыһах буолан эрдэ өлбүтэ,

12