Page 120 - Сэрии кэмин оҕолоро 1 кинигэ

БЭРТҮҮҺУН нэһилиэгэ

сэриигэ хорсуннук оҕунна уонна онно көмүлүннэ» диэн, түөрт
муннуктаах сурук кэлбит. Миигин, сэттэбин туолбутум кэн-
нэ, оскуолаҕа биэрбиттэр. Онтон таайым, оччолорго райсовет
үлэһитэ Портнягин Павел үһүс кылааска Бороҕоҥҥо үөрэттэрэ
ылар. Оннук үөрэнэ сырытгахпына, аны таайбын Суоттуга атын
үлэҕэ анаан ыыталлар. Инньэ гынан мин төттөрү Сыырдаахха
төрдүс кылааска үөрэнэ кэлбитим.
Ииппит ийэм игирэ уолаттары (Местников В.В., Охлопков
М.С.) төрөтөн баран, улаханнык ыалдьан, орон киһитэ буолар.
Аны ийэбин ыарыылыыбын. Ол сылдьан, аны бэйэм ыарахан-
нык ыалдьан, 7 ый устата Томтор диспансерыгар эмтэнэ сыт-
тахпына, ийэм барахсан сырдык тыына быстар. Ийэбин көр-
сүбэккэ хаалбыппыттан сүрдээҕин хомойбуппун умнубаппын.
Этэҥҥэ үтүөрэн тахсыбытым кэннэ, оҕо көрдөрө Суоттуга илдьэ барбыттара. Оҕо
көрүмээри күрээн, Орто Эбэ оскуолатыгар V кылааска үөрэнэ барабын. Бу кэмнэргэ
сайынын каникулум кэмигэр дьоммун кытта Хаҥаҕа, Мэкэригэ, Балыктаах Эбэҕэ —
Хаҥаттан киирии суол төрдүгэр турар сайылыкка олорбуппут. Оҕо сааһым дьүөгэлэрэ
Портнягина Александра, Охлопкова Мария буоламмыт, инники дьылҕабыт таайан буо-
луо, мас ынахтары ыы, таҥас куукулалары оҕолуу оонньуурбут.
Арыый улаатан баран, сайынын Мэкэри сайылыкка ыанньыксыттаабытым. Онно
Сергеева Евдокия (Бочоох Дьэбдьэтэ), Петрова Харитина, Копырина Мавра буолан
үлэлээбиппит. Бостуукпут Копырин Сергей Петрович этэ. Мин, бастаан кыайбат буо-
лан, олус бытаан этим, наар бүтэһик хааларым. Сэргэйбит күүтэ сатаан баран, ыксаан
ынахтары далтан таһааран, үүртэлээн кэбиһэрэ.
Кэлин 16 саастаах кыыс Чирэпчигэ Петров Петр Ивановичтаахха (Мөчөкө) олорон,
Ширяева Дьэбдьэ, Павлова Кээтии, Попова Дуня (Попов Дьөгүөр балта), Охлопкова
Настаа буолан бииргэ ыанньыксыттаабыппыт.
Биһиги сирбит курааннаан, от үүммэккэ, үгүстүк «от сии» диэн ааттаан, атын
улуустарга, нэһилиэктэргэ көскө барар буолбуппут. Мин баара-суоҕа 16-17 саастаахпар
улахан дьону кытта тэҥҥэ Байаҕантайынан, Намынан сүөһү көрөн кыстаабытым.
Биир оннук дьыл Нам оройуонун Сталин аатынан холкуоһун Тоҥ Бас диэн сиригэр
кыстаан баран, өрүс суола сабыллыан эрэ иннинэ сүөһүлэрбитин үүрэн, боростуой
хакыр-икир таҥастаах суос сатыы бэтэрээ кытылга туораабыппыт. Өрүс чэлгиэнигэр
дэлби үрдэрэн, саха оҕуһун даарда сыарҕатыгар малбыт сыыһын тиэнэн, үс кыра оҕо-
бутун мал быыһыгар олордон, айаннаан, сыккырыыр тыыммыт эрэ бэтэрээ биэрэги
булбута. Хатыҥ Арыы олохтооҕо Маймаҕар оҕонньордооххо түһэн, онтон тыын ылан,
сынньанан баран, салгыы сүөһүлэрбитин үүрэн, дойдубутун булбуппут.
Төрөппүттэрбит элбэхтэ оҕоломмуттарыттан бэйэм билэрбинэн убайым Боскуруоп
Боруонньалыын иккиэйэҕин эрэ хаалбыппыт.
Кэлин Иванов Гаврил Петровичтыын ыал буолан, 8 оҕону күн сирин көрдөрөн,
дьон оҥортоон, ол оҕолорбут бэйэлэрэ эбэ, эһэ буолан ньир-бааччы олороллор. Мин
билигин Сыырдаахха аччыгый кыыспынаан Анялыын дьоллоохтук олоробут.
Бэрт Ууһун нэһилиэгин Бочуотгаах олохтооҕобун. «Сэрии сылын оҕото», «СӨ Бочуот-
таах кырдьаҕаһа» бэлиэлэр, «Ийэҕэ Албан аат» уордьан III степенин хаһаайкаларабын.
Оҕолорум: Лазарева Клара Гаврильевна Анаабыр улууһун Сааскылаах бөһүөлэгэр
олорор. Анал үөрэхтээх, Анаабыр улууһугар биллэр уран тарбахтаах иистэнньэҥ. Би-
лигин пенсионнай управлениеҕа үлэлиир. Кэргэнэ Геннадий — олохтоох ЖКХ опе-
ратора. Үс оҕолоохтор, 6 сиэннээхтэр. Иванов Петр Гаврильевич Сыырдаахха олорор.
Олохтоох ЖКХ операторынан үлэлээбитэ. Билигин бочуоттаах сынньалаҥҥа олорор.
Кэтэх хаһаайыстыбатын көрөр. Кэргэнэ Людмила Платоновна Сыырдаахтааҕы коо-
перативка биэкэринэн үлэлиир. 3 оҕолоохтор, 3 сиэннээхтэр. Желобцова Марианна
Гаврильевна Бэйдиҥэҕэ олорор. Бэйдиҥэ орто оскуолатын үлэһитэ. Кэргэнэ Нико-

116