Page 121 - Сэрии кэмин оҕолоро 1 кинигэ

БЭРТҮҮҺҮН нэһилиэгэ

лай ветучаастакка үлэлиир. 3 оҕолоохтор, 3 сиэннээхтэр. Иванов Павел Гаврилье-
вич Бүлүү улууһугар олорор. Бүлүүтээҕи педколледжка сварщик-слесарь. Биир кыыс
оҕолоох. Иванов Гаврил Гаврильевич Бороҕоҥҥо олорор. Суоппар идэлээх. Лесхозка
суоппардаан баран, билигин оператордыыр. Кэргэнэ Светлана типографияҕа үлэлээн,
бочуоттаах сынньалаҥҥа тахсыбыта. 2 оҕолоохтор. Иванов Анатолий Гаврильевич —
сылгыһыт, 1 оҕолоох. Иванов Дмитрий Гаврильевич Бороҕоҥҥо олорор. ЖКХ опе-
ратора. Кэргэнэ Лариса — иистэнньэҥ. 1 оҕолоохтор, 2 сиэннээхтэр. Иванова Анна
Гаврильевна — Сыырдаахха «Чуораанчык» детсад иитээччитэ. 1 кыыс оҕолоох. Нерюн-
грига медколледж устудьуоҥката.
Олунньу 4 күнэ, 2020 с.

Портнягин Гаврил Гаврильевич
Портнягина Татьяна Семеновна

Мин 1940 сыл тохсунньу 28 күнүгэр
«Кыыс Хаҥа» сайылык Саппыйа алааһы-
гар төрөөбүтүм. Аҕам Портнягин Гаврил
Андреевич 1905 с. дьадаҥы бааһынай
хаһаайыстыбаҕа төрөөбүтэ. Үөрэҕэ суох,
бэйэтин дьулуурунан сахалыы үчүгэй-
дик ааҕар-суруйар буолбут. (Уруккунан
халлаан суруксута). Аҕам 1930-1940 сыл-
ларга быыбарданан нэһилиэк сэбиэтин
бэрэссэдээтэлинэн үлэлээбит. Бастакы
холкуостары тэрийсибит. 1940 сыллаахха
улуус салалтата Бороҕоҥҥо суол үлэтин
сүрүннүүр маастарынан анаан үлэҕэ киллэрбиттэр.
Сэрии саҕаланар, иккис хомуурга 1941 сыллаахха аҕам бииргэ төрөөбүт быраата
Бүөтүрдүүн сэриигэ тэҥҥэ ыҥырыллан барбыттар. Гаврил Андреевич 1943 с. «сураҕа
суох сүппүттэр» ахсааннарыгар киирэн хара сурук кэлбитэ. Быраата Бүөтүр Витебскэй
куораты босхолооһуҥҥа кыргыһыыга снарядка быһа тэптэрэн олохтон өлөн туораабыт.
Ийэм Олесова Ефросинья Михайловна, огдообо хаалан, түөрт оҕотун сааһын ту-
хары ыанньыксыггаан, соҕотоҕун иитэн дьон оҥортообута. Кини «Победа» холкуос
биир бастыҥ ыанньыксыта этэ. Холкуос салалтата 1952 с. бастакы «Бочуот кинигэтин»
олохтообута. Бу «Бочуот кинигэтигэр» ийэм сүөһү иитиитин маастардара Ульяна Про-
копьевна уонна Елизовета Ивановна Бурцевалары кытта тэҥҥэ киирбитэ. Аҕам Порт-
нягин Гаврил Андреевич, ССКП Уус Алданнааҕы райкомун бюротун 1967 сыл олунньу
25 күнүнээҕи уурааҕынан, улуус «Бочуотун кинигэтигэр» киллэриллибитэ.
1958-1959 сс. Сыырдаах орто оскуолатын үөрэнэн бүтэрээт, икки сыл «Победа»
холкуоска производствоҕа үлэлээбитим. 1961-1966 сылларга Дьокуускайга универ-
ситекка үөрэнэн ветврач идэтин ылбытым. 1966-1971 сс. бастаан «Лена» сопхуоска
Сыырдаах отделениетыгар, онтон салгыы кылаабынай ветвраһынан үлэлээбитим. Кэ-
лин Райком уурааҕынан, улуус ветстанциятын начальнигынан, кылаабынай эппиэт-
тиир ветвраһынан үлэлээбитим. Улуус хаһыатыгар, «Ленинскэй тэрийээччигэ», тыа
хаһаайыстыбатын отделын сэбиэдиссэйинэн үлэлии сылдьыбытым. Улуус салалтата
1987-1988 сс. Герой Егоров аатынан сопхуоска профком бэрэссэдээтэлинэн анаан
үлэлэппитэ. 1989 сылга сопхуостары аччатыы кэмигэр, Бэрт Ууһугар «Сыырдаах»
сопхуоска дириэктэринэн быыбарданан, хас да сыл үлэлиибин. Ити кэмҥэ уларыта
тутуу сыллара буолаллар. Райком уурааҕынан нэһилиэкпэр 1996 сылга диэри баһылы-
гынан үлэлээбитим.

117