Page 146 - Сэрии кэмин оҕолоро 1 кинигэ

БЭЭРИЙЭ нэһилиэгэ

раллара. Дьоммут оттуу баралларыгар миигин ороҥҥо олордон
истиэнэҕэ тоһоҕо саайан баран онно баайан бараллара үһү. Ол
тоһоҕо билигин да өтөхпүтүгэр баар. Эбэм Васильева (Сыро-
• м \ ватская) Федора Михайловна Саастыматган төрүттээх. Эбэм сы-
тыары-сымнаҕас, аһыныгас сүрэхтээх этэ. Дьону түөннээн, араас
отторунан эмтиирэ. Төрүүр дьахталларга көмөлөһөн элбэхтик
ыҥырыыга сылдьара, баабыскаһыт (оҕо көтөҕөөччү) этэ. Сэрии
сылларыгар эбэбинээн эмтээх оттору, чучунаах, кииһилэ үр-
гүүрбүт. Оччолорго ас барыта нуорма, аны хаһаайыстыбаҕа тор-
бостоох биир эрэ ынах көҥүллэнэрэ, ас-таҥас кырыымчык этэ.
Кутуйах ордуутуттан сиэмэ итигэстээн, киэһэ сиир лэппиэс-
кэбитин булунарбыт. Кыра сылдьан эбэм хап-хара, чап-чараас
лэппиэскэ оҥорорун өйдүүбүн.
Оскуолаҕа барыам иннинэ ийэм иккиһин кэргэннэнэн аҕыс оҕоломмута. Соҕотох
бэйэм тохсуо буола түспүтүм. Оскуолаҕа киириэхпэр диэри эбэлээхпэр олорбутум.
Дьонум биэс буолан дьукаахтаһан олорбуттара.
Оскуолаҕа аҕыс саастаахпар киирбитим, мас оронноох, дьааһыктаах барарбыт. Ос-
куоланы түөрт оскуолаҕа үөрэнэн бүтэрбитим. Биһиги оскуолабыт түөрт кылаас-
таах этэ. Аҕабыт — инбэлиит, ийэбит — остуорас, оһох отгооччунан үлэлиирэ. Тулаа-
йахпынан 4 солкуобай пособиелаах этим. Дьонум ону быстарымаары интэринээккэ
олордубакка, нуорма аҥаарыгар аһыыр этим. Пуобардар өйдүүллэрэ сүр этэ, ордук
куппаттар. Күһүн оскуолаҕа барыахпытыгар диэри биир күн өрөбүлэ суох үлэлиир-
бит. Саас чучунаахтаан, күһүн отонноон маҕаһыыҥҥа туттарарбыт. Сайылыкка ынах
хомуйсарым, ньирэй көрөрүм. Күһүҥҥү хараҥаҕа атах сыгынньах сылдьан, атаҕым
тоҥон, ынах сылаас сааҕар атахпын иттэрим. Биир эмэ ынах суох буоллаҕына, төт-
төрү көрдөтө ыыталлара. Улахан дьону кытга үрэхтэргэ окко звеноҕа сылдьарым. Ардах
түстэҕинэ, дьиэбитигэр ыытыахтара диэн үөрэрим, ыытан да бэрт, уу отун тардарбыт.
Бороҕоҥҥо оскуолаҕа үөрэнэ сырыттахпына, дьонум ыалдьан ыҥыртаран ылбыт-
тара. Онон оскуоланы бүтэрээт, нэһилиэккэ суруксутунан үлэлээбитим. Оскуола
паартатыттан үлэлээбит буолан үлэбин ыарырҕатарым. Түүннэри-күнүстэри үлэлиир
этим. Сорох созывка нэһиилэ илиилэрин баттыыр сэбиэт бэрэссэдээтэллэрэ баалла-
ра. Сорохтор буочардарын сатаан аахпакка эрэйдэнэр этибит. Хамнас ыла Бороҕоҥҥо
атынан барар этим. Сороҕор атым сиргэнэн куотара, ат көрдөөһүнэ сыралаах этэ.
Бороҕоҥҥо ат аһыыр сирэ суох буолан, Тулуна сайылыгар тахсан хонорум. Толооҥ-
ҥо бырааттыы Заболоцкайдар аппын көрөн абырыыллара. Барарбар аппын тутан,
ыҥыырдаан бэлэм акка олорон барарым. Кэлин үөрэнэн үлэбэр сирдэрбэт этим.
Сайынын звеноларга Кутааманан, Лабачаанынан, Тандагынан хас да сыл пуобардаа-
бытым. Симии оһоххо килиэп буһарарым. Эдьиийбинээн Анна Коновналыын окко,
звеноҕа куоталаһыыга 10 күн 10 гааны мунньан кыра харчы эбинэрбит, кини эмиэ
элбэх тулаайах иитимньилээҕэ.
Ыалларым уолларыгар А.Ф. Васильевка кэргэн тахсан икки уолламмытым. Дьонум
бэйэ киһитигэр таҕыста, тырахтарыыс от, мас тиэйиитигэр көмөлөөх диэн үөрэллэрэ.
Билигин алта сиэннээхпин, түөрт хос сиэннээхпин. Пенсияҕа тахсан баран таах олор-
боппун, кыралаан иистэнэбин, ыҥырыыга сылдьан хос сиэннэрбин биэбэйдэһэбин.
Сайынын өтөхпөр кэлэн сайылыыбын.
Үлэм түмүгүнэн хас да төгүл социалистическай куоталаһыы кыайыылааҕа, нэһи-
лиэк советын депутата буола сылдьыбытым. Райфин, нэһилиэк үгүс грамотатынан
наҕараадаламмытым.

142