Page 160 - Уйбаан Бахсылыырап. Сэрии кэмин оҕолоро - эйэлээх олох уустара

таптыыр сынньалаҥа булт этэ. Кини куска, куобахха сааламмыт сырыыла-
рын туһунан бэл араас көрдөөх кэпсээннэр бааллара. Аҕабыт ону үксүн би-
лэр быһыылааҕа да, хаһан да өһүргэммэт этэ. Бэл биирдэ, аҕабыт уолунаан
Мүрү эбэҕэ саалана сырыттахтарына Германияттан кэлэ сылдьар фотокор-
респонденнар түбэһэ түһэннэр кинилэри хаартыскаҕа устубуттар этэ. Дьи-
ҥэр, ол дьон Саха сирин туһунан сборник открытка оҥорор сыаллаах үлэ-
лии сылдьан, Мүрүгэ анал таҥастаах, саалаах-сэптээх булчуту күүтэ сылдьы-
быттар. Оччотооҕу салайааччылар ол киириэхтээх киһилэрин хойутатан кэ-
биспиттэр. Ол кэмҥэ немецтэр биһиги дьоммутун көрсөн: “Дьиҥнээх сааһыт
киһи оҕотунаан сылдьар”, — диэн олус үөрсүбүттэр. Аҕабыт бастаан хаар-
тыскаҕа түһэрэн барбыттарыгар соһуйбут, кэлин үөрбүт даҕаны. Аны бил-
сэннэр, (тылбаасчыттаах сырыттахтара буолуо) оскуолаҕа тиийэннэр оскуо-
лаҕа үлэтин эмиэ, оскуола үөрэнээччилэрин кытта түһэрбиттэр. Син балачча
буолан баран, ол Германияттан кэлэ сылдьар фотокорреспонденнарбыт оҥор-
бут открыткалара атыыга кэлбитэ. Биһиги ыал ол открыткалары (Саха си-
рин туһунан) пачканан атыыласпыппыт. Кэлин открыткаттан хартыына
оҥорон оскуолаҕа ыйаабыттара. Онон аҕабыт айылҕаны кытта алтыспыта
сэдэх хаартыска буолан бүтүн Сэбиэскэй Союзка, Саха сиригэр (баҕар Аан
дойдуга да буолуо) тарҕаммыта. Отгон биһиги Андрей Григорьевич оҕолоро,
сиэннэрэ дьоммут туһунан үчүгэй өйдөбүнньүк оҥоһуллубут диэн истиҥник
үөрэбит, астынабыт.
Биһиги сэрии сылларын оҕолоро: мин уонна сурдьум Анатолий Андрее-
вич дьон буолан, үөрэхтэнэн үлэһит буолбуппут, олоххо суолбутун тобулбуп-
пут төрөппүттэрбит үтүөлэрэ диэн киэн тутта этиэхпитин сөп.
Аҕабыт А.Г.Никифоров оройуонугар үөрэх салаатыгар ыыппыт үгүс өрүт-
тээх үлэтин кэпсээтэххэ бэйэтэ биир кинигэ буолуоҕа. Андрей Григорьевич
үлэтэ Саха АССР Верховнай Советын Президиумун Бочуотунай грамотатынан
икки төгүл, советскай правительство хас да медалларынан наҕараадаланан
бэлиэтэммитэ, киниэхэ “Саха АССР оскуолаларын үтүөлээх учуутала” аат
иҥэриллибитэ.
Тамара Андреевна Никифорова-Иванова, кыыстара,
А.Г.Никифоров аатынан педагогическай
династия утумнааччыта, 2012 с.

Бу кинигэбин оҥоро сылдьан Тамара Андреевнаҕа дьоннор суруйбут ахтыы-
ларын ылаары дьиэтигэр сылдьыбытым. Кини онно миэхэ илиинэн суруллубут хас
да ахтыыны сэргэ икки кинигэни бэлэхтээбитэ. Биирэ аҕата төрөөбутэ 100
сылыгар анаан таһаартарбыт “Дьоһун олох утумнуур ” диэн, иккиһэ “Олоҕун
дьон туһугар” диэн 30 сыл бииргэ олорбут кэргэнин М.П.Иванов туһунан.

ҮГҮС ҮТҮӨЛЭЭХ
Михаил Петрович Иванов эмиэ сэрии кэмин оҕото, ону ааһан кыргыс
хонуутугар охтубут буойун тулаайаҕа буоларынан, мин кини туһунан эрдэ
суруллубут суруйуулартан быһыта тардан бу кинигэҕэ киллэрэргэ сананным.
Киһи орто дойдуга төһө да “хоноһо-ыалдьыт” эрэ буолан аастар, кини үтүө
аата умнуллуо суохтаах. Ол иһин маннык кинигэлэр суруллаллар.
Иванов Михаил Петрович 1936 с. ахсынньы 2 күнүгэр урукку 1-кы Өспөх
нэһилиэгэр дьадаҥы бааһынай кэргэҥҥэ 5 оҕоттон 2-с оҕонон күн сирин
көрбүтэ. Уолчаан алта сааһыгар сырыттаҕына аҕалара Ийэ дойду көмүскэли-
гэр сэриигэ аттаммыта уонна кыргыс хонуутугар сырдык тыына быстыбыта.

156