Page 161 - Уйбаан Бахсылыырап. Сэрии кэмин оҕолоро - эйэлээх олох уустара

Миша Иванов оҕо сааһа Остуойка бөһүөлэгэр урукку
“Үүнүү” колхуос киинигэр ааспыта. Онон Дүпсүн
сэттэ кылаастаах оскуолатыгар 1946-1952 сс. 5-с кы-
лааһы бүтэриэр диэри үөрэммитэ. Онтон салгыы
аҥаардас ийэ 5 оҕону кыайан иитэн үөрэттэрэр кыаҕа
суох буолан, аймахтарын кытта эҥэрдэһэн, көмө-
лөһүннэрэн олороору 1952 с. саас Өнөргө көспүттэрэ.
Миша Өнөр 7 кылаастаах оскуолатын икки сыл
үөрэнэн 1954 с. бүтэрбитэ. Итинтэн салгыы эрдэ үлэ-
һит буолан ийэтигэр көмө буолаары 1955-1957 сс. Дьо-
куускайдааҕы коммунальнай-тутуу техникумугар
үөрэммитэ. Ол эрээри ас-таҥас ьсырыымчыгыттан сал-
гыы үөрэнэр кыаҕа суох буолан дойдутугар төттөрү
тахсан колхуоһугар үлэлээбитэ. Үөрэххэ баҕалаах, тар-
дыһыылаах уол 1957 с. күһүн Мүрүгэ киирэн киэһээҥҥи оскуолаҕа тохсус
кылааска үөрэнэ киирбитэ уонна икки сыл үчүгэйдик үөрэнэн орто үөрэҕи
1959 с. бүтэрбитэ.
Михаил Петрович 1959-1961 сс. сааһыгар диэри Ленин аатынан колхуос-
ка үлэлээбитэ уонна 1961 с. саас Мүрү оскуолатын иһинэн үөрэххэ киирээч-
чилэргэ бэлэмнэнии курсугар үөрэммитэ. Бу бэлэмнэнии үөрэххэ 50-ча эдэр
ыччат үөрэммитэ уонна бары тутуспутунан СГУ-га араас факультеттарга тут-
тарсыбыттара. Михаил Петрович киэһээҥҥи оскуоланы Мүрүгэ бииргэ үөрэ-
нэн бүтэрбит Строганова Галя диэн кыыһынаан, медицинскэй факультекка
туттарсан иккиэн ити факультет студеннара буолбуттара. Үтүө эдэр саас ырыа-
тойук, үлэ-үөрэх аргыстаах студенческай олох түргэнник ааспыттара. М.П.И-
ванов 1967 с. медицинскэй факультеты бүтэрэн врач идэлэммитэ. Михаил
Петрович Иванов 1967 с. врачебнай үлэтэ саҕаламмыта. Кини таптыыр идэ-
тинэн орто дойду олоҕуттан арахсыар диэри өрө күүрүүлээхтик үлэлээн,
төһөлөөх элбэх киһини өлөр өлүүттэн быыһаабытын билигин ким да кыайан
аахпата буолуо. Арай билсиэҕиҥ, кини аатыгар этиллибит элбэх махтал тыл-
лартан кыракый лоскуйдары.

ОЛОХХО ИККИСТЭЭН ЭРГИППИТЭ

Мин 1995 с. балаҕан ыйын 26 күнүгэр сарсыарда 10 чааска эмискэ охтубу-
тум. Уҥа илиим, атаҕым тугу да билбэт, үлэлээбэт буолбута. Дьонум кутгалла-
рыгар буолан тугу гыныахтарын булбатахтар. Ол икки ардыгар уулуссаҕа хирур-
гическай сиэстэрэ Местникова Эльза ааһан иһэрин көрбүттэр, кинини ыҥыр-
быттар. Эльза киирээт бастакы көмөнү оҥорбут, “Суһал көмөнү” ыҥырбыттар.
Стационарга невропатолог быраас Иванов Михаил Петрович үлэлиирэ.
Тута анализ ылбыт, чаас аҥаарын иһинэн чуолкай диагноз туруоран, ише-
мическэй инсульт диэн эмтээбитинэн барбыт. Бастакы күммэр кыайан са-
ҥарбат, өйдөөбөт да буолбуппун. Бу оптуорунньук күн этэ, аны 4 хонугунан
субуотаҕа уолум Петя сыбаайбата буолаары турара. Сарсыҥҥытыгар дьон
саҥатын истэ быһыытыйбытым, 1-2 тылынан иһиллэр-иһиллибэттик саҥар-
бытым. Михаил Петрович кэргэммэр Мария Петровнаҕа өйдөтөн, сүбэлээн,
үчүгэй буолуоҕа диэн эрэли үөскэтэн, сыбаайбаны оҥорорго эппит.
Инсульт — алдьархайдаах ыарыы. Били бэйэлээх бэйэм оҕолорум, сиэн-
нэрим ааттарын олох кыайан өйдөөбөппүн. 20-30 сыл бииргэ үлэлээбит, “эн-
мин” дэһиспит табаарыстарбын тамты ким-хайа буолалларын умнан кэбис-
пиппин. Дорҕооннору чуолкайа суохтук этэбин, саҥам булдьуйан тахсар. Дьэ,

157