Page 156 - Уйбаан Бахсылыырап. Сэрии кэмин оҕолоро - эйэлээх олох уустара

Тыыннаах киһи, иннэ курдук
Төрүт, хайдах сүтэн хаалыай?!
Хаалбыттар дууһаларын
Хаһааҥҥа диэри аалыай?!

Сэрииттэн төннүбэтэхтэр
Суобастара ыраастар!
Сураҕа суох сүппүттэр —
Сүрэхтэргэ тыыннаахтар!

Аҕам хаартыската

Сир үрдүгэр үйэ аҥаара
Сүтүктээбит күндү аҕам
Хаартыската да көстүбүтэ —
Кэпсэммэт кэрэ түгэн!

Ким эрэ кичэл илиитинэн
Кини өрдөөҕү күлүгэ
Ордон кэлбит үөрүүтүнэн
Олоробун уолуҥ, дьэ...

Майгынныыр син, быһыыта,
Мин сэбэрэм эйиэхэҕэ...
“Аҕа аймаххын”, — диэхтиирэ
Айбыт ийэм миэхэҕэ.

Европа сиригэр
“Уһун уугун” утуйа
Хаалбыт аҕам, уһугуннуҥ,
Уолуҥ дууһатын уйадыта.
— Дорообо, күндү аҕам,
Дьэ, көрсүөхпүт баар эбит!
Утарыта одуулаһан,
Уһуннук олоруохпут!

Ветераннар

Сыллар да сыллар,
Сыыйылла, ууннары тардыллан...
Дьоннор да дьоннор,
Эрэйи-муҥу эҥэрдэринэн тэлэн!
Кинилэр дии бүгүҥҥү
Олох иһин охсуспуттар,
Кинилэр дии бүгүҥҥү
Көҥүл олоҕу уһаммыттар —
Биһиги ытыктыыр
Баар-суох дьоммут, ветераннар.
Билэбит биһиги ким хайдах
Олорбутун, охсуспутун,
Билэбит киһи эрэ, кырдьаҕас эрэ

152