Page 165 - Уйбаан Бахсылыырап. Сэрии кэмин оҕолоро - эйэлээх олох уустара

Тамара оскуоланы бүтэрэн бастаан Иркутскай куоракка, кэлин Дьокуус-
кайга кэлэн салҕаан үөрэнэн үрдүк үөрэхтээх нуучча тылын уонна литерату-
ратын учуутала буолбута. Кини идэтинэн Майаҕас, Танда, Мүрү оскуолала-
рыгар үлэлээбитэ. Кэлин Мүрү орто оскуолатын икки оскуола оҥорбуттара.
Тамара Андреевна Мүрү иккис орто оскуолатыгар ананан уһатыллыбыт
күннээх группаҕа иитээччинэн үлэлээбит.
Мин Бүлүү педучилищетын бүтэрэн кэлэн баран Курбуһах, Мүрү, Лөгөй
орто оскуолаларыгар алын сүһүөх кылаастарга үлэлээбитим. Итинник үлэлии
сылдьан дьиэ кэргэним балаһыанньатынан эмиэ Мүрү иккис орто оскуолатыгар
анаммытым уонна эмиэ уһатыллыбыт күннээх группа иитээччитэ буолбутум.
Үлэлиир куорпуспут урукку өттүгэр интернат буола сылдьыбыт, оскуолаттан
тэйиччи турар дьиэ этэ. Манна улахан дьон киэһээҥҥи оскуолаларын, эмиэ
да “пионердар дьиэлэрин” кытта бииргэ үлэлиир буолбуппут. Биһиги үлэби-
тин Тамара Андреевна салайан үлэлэппитэ. Улахан кылаастар иитээччилэри-
нээн икки сменанан уонча буолан үлэлээбиппит. Үлэлиир дьиэбит тымныы,
кыараҕас, бэйэ бэйэҕэ мэһэйдэһии баар буолан үлэлииргэ усулуобуйа мөлтөх
этэ. Ол да буоллар бэриллибит сорудаҕы толорорго кыһаллыы бөҕө буолар-
быт. Кыһыҥҥы тымныыга оҕолор барахсаттар уруоктарын ааҕаары Мындаа-
баттан тиийэ тоһугураан кэлээхтииллэрэ. Оҕолорго уруоктарын аахтаран бүтэ-
эт үөрэнэр куорпуспутугар бэрт сыыдамнык ойор этибит. Манна оҕолор ба-
рахсаттар остолобуойга астаммыт итии аһы аһаан абыраналлара.
Биир үлэлиир кэбиниэппитигэр үлэлэрбит былааннаахтык ыытыллаллара.
Ол курдук уопсай кулуубунай чаастар олус интэриэһинэйдик, туһалаахтык
ыытыллар этилэр. Оттон группаларга бэйэлэрин истэринэн оҕолору тардар
умсугутар күннээҕи дьарыктар бааллара.
Холобур, мин бэйэм группабар бириэмэ ортоҕуна кылааһы таһынан
ааҕыыга библиотечка тэринэн оҕолор ааҕар, кэпсиир дьоҕурдарын сайынна-
рыыга үлэлэспитим. Иитээччилэр бары эйэлээх, истиҥ сыһыаннаах этибит.
Аны манна үлэлиир иитээччилэр үгүспүт учууталлары солбуйан хастыы да
чаас үлэлиирбит. Биир сыл республиканскай семинар буолан турардаах. Онно
син сөптөөхтүк үлэлиир эбиккит диэн түмүк оҥорбуттара. Онтон уһатыллы-
быт күннээх группа үлэтин тохтотон, кэлиҥҥи сылларга коллективка ханна-
туох үлэ көстөрүнэн үлэлээбиппит. Оҕону өй-санаа өттүнэн дьарыктыыр,
аралдьытар тэриллэрдээх, оскуолаттан чугас сылаас дьиэлээх сиргэ уһатыл-
лыбыт күннээх группа үөрэнээччилэргэ да, төрөппүттэргэ да улахан туһалаах
буолуо эбит этэ.
Бииргэ үлэлээбит сылларбын, коллегаларбын билигин да умнубаппын.
Хомойуох иһин, өрүү сайаҕас, үөрүнньэҥ майгылаах К.Т.Жукова уонна И.С.
Васильев олохтон эрдэлээн бараахтаабыттара. Оскуолаҕа үөрэнэр сылларбы-
тыттан бииргэ сылдьыбыт, бииргэ үлэлээбит дьүөгэм Тамара Андреевна би-
лигин төһө да дьиэттэн тахсыбат доруобуйаламмытын иннигэр, телефону-
нан кэпсэтэ, ону-маны билсиһэ, алтыһа олоробут. Кини хаһан баҕарар бөҕөх
санаалаах, онуоха төһүү күүс буолар, эмтиир, көрөр-истэр киһитэ кыыһа
Айта улахан оруоллаах. Киниэхэ дьүөгэлэр ааттарыттан улахан махтал!

Марфа Васильевна Курилкина,
педагогическай үлэ
ветерана, Бороҕон, 2012 с.

11 Заказ № 52
161