Page 162 - Уйбаан Бахсылыырап. Сэрии кэмин оҕолоро - эйэлээх олох уустара

оннук буолбут киһини Михаил Петрович түүннэри-күнүстэри кэтээн, эмтээн
бары кыһамньытын уурбута. Эмтиирин таһынан өйү (память) уһугуннарарга
эрчийэр, элбэхтик боппуруос биэрэр, ол быыһыгар предметтэри көрдөрө-
көрдөрө ааттарын ыйытар. Быраастары аҕалан көрдөрөн консультациялаһар,
организммын барытын эмтиир. Турукпуттан көрөн куораты кытта сибээстэ-
һэ, консультациялаһа олорор.
Өлүү тимир ытарчатыттан өрүһүйэн, күн-ый буолбут киһибин Михаил
Петровиһы өрүү өйдүөм, саныам, махтаныам! Михаил Петрович дьон туһу-
гар олорбута, бэйэтин доруобуйатын көрүммэккэ эрдэ олохтон туораабыта
олус хомолтолоох.
Иван Иванович Егоров, Байаҕантай нэһилиэгин,
Уус-Алдан улууһун бочуоттаах олохтооҕо

ИСТИҤ, ИҺИРЭХ ТЫЛЛАРБЫН АНЫЫБЫН

Ханнык баҕарар киһиэхэ бүтүн олоҕун устатыгар ахтар-саныыр, ытык-
тыыр, махтанар киһитэ баар буолар. Миэхэ оннук киһинэн Михаил Петро-
вич Иванов быраас этэ. . Кини баара буоллар диэн махтана ахтар, суохтаабыт
ыарыһахтар элбэхпит.
Киһи быһыытынан Михаил Петрович олус сэмэй, ыарыһахха биир тэҥ
сыһыаннаах, ирдэбиллээх эмчит этэ. Мин 1986 с. ыараханнык ыалдьыбы-
тым. Миигин Бороҕоҥҥо өлөр ыарыытыгар сытар диэбиттэрэ. Бэйэм өлөр
туһунан санаабат этим, ол курдук Михаил Петровичка эрэнэрим. Мин 5 чаас
устата оҥоһуллар операцияҕа киирэ сытаммын кини эппитин санаабытым,
бырааһым барахсан алҕаан ыыппыт эбит диэтим уонна тулуйарга дьулуспу-
тум уонна тулуйбутум даҕаны. Куоракка балыыһаҕа туталларыгар: “Бу айы-
лаах ыараханнык ыалдьан хайа оройуонтан кэллиҥ?” — диэбитэ быраас. Уус-
Алдан Бороҕонуттан диэбиппэр: “Хайа онно Михаил Петрович Иванов үлэ-
лиир дии”, — диэбиттэрэ. Ону истэн олус үөрбүтүм, бырааспынан киэн
туттубутум. Ол курдук куорат быраастара М.П.Иванову үлэтигэр күүстээҕин,
ытыктыылларын билбитим. Кини туруорбут диагноһа көтүллүбэтэҕэ.
Михаил Петрович эмтээн мин күнү көрөбүн, сиринэн хаамабын. Ама
мантан ордук дьол баар буолуо дуо киһиэхэ? Олоҕум устатын тухары киниэ-
хэ махталым, кинини суохтуурум бүппэт.
Клавдия Алексеевна Протодьяконова,
Бороҕон, Уус-Алдан

УМНУЛЛУО СУОҔА
Биһиги ийэбит Протопопова Христина Дмитриевна 1995 с. ыам ыйын 9
күнүгэр эмискэ кыаммат буола ыараханнык ыалдьыбыта.
Республиканскай балыыһа нейро-сосудистай отделениетыгар тиийэн:
“Уус-Алдантан кэллибит”, — диэтибит. Онуоха отделение сэбиэдиссэйэ Кузь-
мина Земфира Марковна: “Протопопова дуо? Михаил Петрович сакаастаа-
быт миэстэтэ”, — диэн чуолкайдаан биэрбитэ истэргэ чугаһа, истиҥэ, үчүгэйэ
бэрт этэ. Мантан биһиги Михаил Петрович республикаҕа аата-суола билли-
бит, улахан авторитеттаах, ытыктанар невропатолог-врач буоларын өссө төгүл
итэҕэйбиппит уонна киэн тутта санаабыппыт. Маннык эрэллээх илиигэ сыл-
дьарбыт, ийэбит эмтэнэригэр тирэх, көмө буолбута чуолкай.
Михаил Петрович курдук идэтигэр дириҥ билиилээх, үлэтигэр кыһам-

158