Page 155 - Уйбаан Бахсылыырап. Сэрии кэмин оҕолоро - эйэлээх олох уустара

Арай, өртөн санаа дала оҥостубут,
Испэр иитиэхтээбит иэйиибин суруйдум,
Бу — эйиэхэ ытыктабылым бэлиэтэ,
Эн лирикаҕар сүгүрүйүүм туоһута!..

Туҥуй кыыс нарын дууһатыгар,
Дохсун уол толугуруур сүрэҕэр
Баһылаай, сүтүө суоҕа лирикаҥ
Сылаас иэйиилээх сүүрээн буолан!..

Уйбаан Бахсылыырап, 2006 с. от ыйа

Баһылай суох буолбута биир сыла туолуутугар доҕотторо, үөлээннээхтэ-
рэ кини көмүс уҥуоҕар сылдьыбыппыт. Эдьиийин Анна Васильевна дьиэти-
гэр остуол тула олорон Баһылай олоҕун ахтыһан, кинини кэриэстээн аас-
пыппыт. Сэрии тулаайаҕа, поэт В.В.Саввин эдэр-сэнэх сааһыттан эрэйдээх-
буруйдаах олоҕу олорбута. Ол туһунан доҕоро скульптор В.В.Бочкарев сиһи-
лии суруйан турар. Мин бу кинигэҕэ поэт Василий Саввин сэриигэ сыһыан-
наах хоһооннорун билиһиннэрэбин.

* * *
Сэриигэ барбыт аҕам
Төннүбэтэ бүгүн да.
Сэрии өссө, ити аата,
Бүтэ илик буоллаҕа...

Сураҕа суох сүппүттэргэ

Эйэлээх кэмҥэ олорон,
Эйигин санаан кэллим, аҕаа!
“Сураҕа суох сүппүт” дэтэр
Санньыарын, абакка-таа!

Эн суоххун өлбүттэр да,
Тыыннаахтар да ааттарыгар,
Халааннаан дуу, сирдээн дуу
Тимирбиттэр ахсааннарыгар...

Ардыгар абарыыттан
Араас санаа киирэн ылар...
Соҕотох эн эрэ сүппэтэҕиҥ
Сүрэхпин арыый уоскутар...

Кэрэ аты миинэҥҥин
Киирэн бара турбуккун,
Оччолорго түөртээх бэдик
Уолуҥ өйдүүр курдукпун...

Тыа бүк ыалын соһуччу
Ол өрдөөҕү айманыыта
Тыыннаах хартыына буолан,
Тиллэ турууһук быһыыта...

151