Page 157 - Уйбаан Бахсылыырап. Сэрии кэмин оҕолоро - эйэлээх олох уустара
P. 157
Ветеран диэн чиэстэммэтин.
Оттон эһиги —
Биһиги таптыыр,
Биһиги ытыктыыр
Баар-суох дьоммут, ветераннар,
Эһиги — атыҥҥыт,
Эһиги — эдэргит,
Эһиги билигин даҕаны
Олох, үлэ үөһүгэр сылдьаҕыт.
Кыайтарбатах суолларга
Дууһалыын, сүрэхтиин ыалдьаҕыт.
Эһиги, кырдьыы диэни,
Улугуруу диэни
Умнан кэбиспит хорсун дьоҥҥут.
Эһиги — биһиги оскуолабыт,
Эһиги — биһиги киэн туттуубут.
Эһигиттэн үөрэнэбит
Олох аналын, олох кэскилин
Дириҥник, таба өйдүүргэ,
Эһиги курдук олоҕу
Күүскэ да күүскэ таптыырга,
Эһиги курдук кинини
Көмүскүүргэ, харыстыырга.
Биһиги таптыыр,
Биһиги ытыктыыр,
Баар-суох дьоммут, ветераннар,
Үчүгэй баҕайы эһиги бааргыт...
Олох хайдах эрэ эһигинэн
Модун, дуулаҕа курдук.
1998 с.
Василий Саввин “Ыра — ырыам ымыыта”
УЧУУТАЛЛАР ДИНАСТИЯЛАРЫН САЛҔААЧЧЫЛАР
“Мүрү саһарҕатыгар” 2006 с. атырдьах ыйын 5 күнүгэр «Дъыллар
уонна дьоннор” рубрикаҕа САССР оскуолаларын үтүөлээх учуутала А.Г.
Никифоров туһунан балачча обургу ыстатыйам бэчээттэммитэ. Бүгүн,
мин, ол суругу буолбакка, Андрей Григорьевич уонна Акулина Михайловна
төрөппүт, сэрии сылларын оҕолорун Тамара Андреевна Иванова уонна Ана-
толий Андреевич Никифоров ахтыыларын уонна кинилэр тустарьшан су-
руллубуттары билиһиннэриэхпин баҕарабын.
ТӨРӨППҮТТЭРБИТ ҮТҮӨЛЭРЭ
Аҕабыт Никифоров Андрей Григорьевич уонна ийэбит Бурцева Акулина
Михайловна сүрэхтэринэн сөбүлэһэн, сүбэлэрин холбоон, 1934 с. ыал буол-
буттар. Аҕабыт оччолорго Бороҕоҥҥо ШКМ-ҥа (школа коммунистической
молодежи) завучтуур уонна үөрэх профсоюһун бэрэссэдээтэлинэн үлэлиир.
153
