Page 167 - Уйбаан Бахсылыырап. Сэрии кэмин оҕолоро - эйэлээх олох уустара

риевна иннин тиистэрэ суоҕун онно эрэ өйдөөбүт. Ол курдук көрдөөхтүк,
эйэлээхтик бииргэ үлэлээн сылдьыбыппыт.
Тамара Андреевна кэргэнинээн Михаил Петровичтыын сүрдээх эйэлээх-
тик, икки оҕону төрөтөн, дьон бастыҥа, үлэһит үтүөлэрэ оҥорон дьоллоох-
тук олорбуттара. Ол эрээри Михаил Петрович барахсан оҕолорун үтүөлэрин
ситэри көрбөккө олохтон эрдэлээн бараахтаабыта. Тамара Андреевна кэргэ-
нин аһыытыгар доруобуйата улаханнык алларыйбыта. Ону ол диэбэккэ
төрөппүттэрин дьыалаларын толору эккирэтэн, туруорсан, “Никифоровтар
учуутал династияларын” оҥорторбута. Бу улахан кыайыы этэ. Ол курдук
Никифоровтар урут-уруккуттан оройуоҥҥа, республикаҕа тиийэ биллэр үлэ-
лээх учууталлар этэ. Тамара Андреевна үлэлээбит усталаах туоратыгар элбэх
грамоталарынан, дипломунан, махтал суруктарынан наҕараадаламмыта. Ол
эрээри, тус бэйэм хом санаалаахпын, Тамара Андреевна үлэтин ситэри сыа-
налаабатахтара диэн. Кэлин төһө да ыараханнык ыалдьа сыттар төрөппүттэ-
рин, кэргэнин туһунан өйдөбүнньүк кинигэлэри таһаартарбыта.
Күндү дьүөгэм, Тамара Андреевна оҕолоруҥ тапталларынан, кинилэр
сылаас сыһыаннарыгар бигэтэн, санааҕын түһэрбэтэҕиҥ курдук түһэрбэккэ
өссө уһуннук олор диэн үтүө санаабын тиэрдэбин!
Бу кылгас ахтыыбын түмүктүүрбэр, Тамара Андреевна кыыһыгар Айта-
лина Михайловнаҕа, бэйэм ийэ буоларбынан, ийэҕин көмүс-алтан курдук
тутан бүөбэйдээн көрөргүн ис сүрэхтэн сөҕөбүн уонна махтанабын! Кырдьы-
га, оҕо барыта эн курдук буолбат. Мин эйигин оҕолорбор, сиэннэрбэр куруу-
тун холобур оҥостон кэпсиибин. Бороҕон олохтоохторун үтүө санаалара эйиэхэ
дьолу-соргуну эрэ аҕаллын! Эрэн, дьон үтүө санаата эйиэхэ куруук өйөбүл
тирэх буолуоҕа. Үтүө санааҕар, майгыгар сиртэн-халлааҥҥа тиийэ өссө төгүл
махтанабын!
Алексеева Елена Иннокентьевна, СР үөрэҕин туйгуна,
Учууталлар учууталлара, Мүрү нэһилиэгин бочуоттаах олохтооҕо.
2012 с. Бороҕон

БУЛУҤ ОРОЙУОНУН ДЬОНО КЫАЙЫЫНЫ УҺАНСЫБЫТТАРА

Мин, бу кинигэм Лҕа дойдуну көмускуур Улуу сэриигэ быһаччы сыһыан-
нааҕынан, оччотооҕу кэмҥэ тыылга кыайыыны уһансыбыт А.Г.Никифо-
ров тус илиитинэн суруйан хаалларбыт ахтыытын билсиэҕик.

Фашистскай халабырдьыттар биһиги сэбиэскэй Ийэ дойдубутугар түө-
күннүү саба түспүттэрэ. Ыар, уһун эриирдээх-мускуурдаах сэрии сыллара
бэрт эрэйдээх этилэр. Элбэх национальностаах советскай дойду бары норуот-
тара өлөр-өлүүнү утары сарын-сарыннарыттан өйөнсөн эрдээхтик биир ньы-
гыл кэккэнэн туруммуттара. Фроҥҥа уонна тыылга барыта Кыайыы туһугар
диэн охсуһуу уонна үлэ өрө күүрбүтэ. Бу кэмҥэ биһиги кэргэмминээн Булуҥ
оройуонугар (1941-1944 сс.), Тумат нэһилиэгин толорута суох орто оскуола-
тыгар үлэлээбиппит.
Тыылга “Тугу барытын — фроҥҥа!” диэн лозуннаах хамсааһын килбиэн-
нээх, дьиҥ чахчы бэйэни харыстаммат үлэ, фроҥҥа ким тугу кыайарынан
көмөлөһүүтэ тэнийбитэ. Бу кэмҥэ мин райсовет исполкомун боломуочунайы-
нан оборона фонун тэрийэргэ үлэлээбитим. Тумат нэһилиэгэ баара эрэ 30-ча
хаһаайыстыбалааҕа. Түүлээх, балык бултааһына нэһилиэнньэ сүрүн дьарыга
этэ, хоту дойдуттан дьоннор армияҕа ыҥырыллыбатахтара. Онон бултааһын
уонна балыктааһын күүскэ тэриллибитэ. Тумакка оборона фондугар 72 ты-
11*
163