Page 170 - Уйбаан Бахсылыырап. Сэрии кэмин оҕолоро - эйэлээх олох уустара

тар бары үрдүк үөрэхтээхпит, учуонайдар да бааллар. Ол курдук, Зинаида
Винокурова, Надежда Попова, Тамара Аргунова (Окоемова), Татьяна Неуст-
роева, Агафья Захарова, Василий Тролуков, Анатолий Попов наука канди-
даттарынан уонна учуонайдарынан буолбуттара.
Мин Саха государственнай университетын география салаатын 1967 с.
үөрэнэн бүтэрбитим. Үрдүк үөрэҕи саҥа бүтэрбит специалиһы Дүпсүн орто
оскуолатыгар география учууталынан ыыппыттара. Дүпсүҥҥэ үлэлиир кэм-
мэр Уус-Алдан оройуонугар үөрэхтээһиҥҥэ кабинетнай системаҕа аан бастаан
киирбиппит. Онтон 1970-1972 кэлин 1977-1986 сс. үөрэммит Мүрүм орто
оскуолатыгар география уонна история учууталынан үлэлээбитим. Ити сыл-
ларга туризм, краеведение салаатыгар күүскэ үлэлэспитим, үлэм уопутун
өрөспүүбүлүкэҕэ тарҕаппытым. Онтон 1972-1977 сс. Тулуна аҕыс кылаастаах
оскуолатыгар дириэктэри үөрэх чааһыгар солбуйааччынан, география учуу-
талынан үлэлээбитим.
Кэлин Тулуналар II Лөгөй нэһилиэгэ буолан баран оскуолаҕа үлэлээбит
сылларбын сыаналаан нэһилиэк “Бочуоттаах олохтоох” аатын иҥэрбитэ.
Кэлин быраатым Андрей Андреевич, Наталья Семеновна Никифоровалар
эмиэ Тулуна оскуолатыгар үлэлээбиттэрэ. Онон мин Тулуна орто оскуолатын
кытта сибээспин быспаппын. Кылгас да кэмҥэ үлэлээтэр Андрей Андреевич
Тулунаҕа таас оскуоланы туттарыыны аан бастаан саҕалаабыт киһинэн буо-
лар. Эдэр кэскиллээх үлэһити 1986 с. улуус үөрэҕин салаатыгар методиһынан
үлэлэтэ ылбыттара. Быраатым А.А.Никифоров дьиҥ чахчы саталлаах салайа-
аччы тахсан иһэн быстах былаҕайга былдьаммыта.
Тус бэйэм Уус-Алдан улууһугар оскуолаҕа учууталынан сүүрбэ, улуус үөрэ-
ҕин салаатыгар методиһынан, үөрэх министерствотын эбии үөрэхтээһин са-
лаатыгар методиһынан сүүрбэ биир сыл үлэлээн кэллим. Үлэлээбит кэмнэр-
бин сөптөөхтүк сыаналаан, "РСФСР норуотун үөрэҕириитин туйгуна” уонна
“Саха республикатын үөрэҕириитин туйгуна” знактарынан наҕараадалаабыт-
тара, “СР учууталларын учууталлара” ааты иҥэрбиттэрэ. Үөрэх министер-
ствотын бирикээһинэн биһиги аймах учуутал идэтигэр үлэлээбит ыстааспыт
200-н тахса сылы аһаран, аҕабыт А.Г.Никифоров аатынан “Педагогическай
династия” чилиэннэрэ буоллубут, анал знагынан бэлиэтэммиппит. Үөрэх-
тээһиҥҥэ 41 сыллаах эҥкилэ суох үлэбин сыаналаан үөрэх министерствота
2011 с. 100 тыһыынчалаах бириэмийэни туттарбыта. Мин күн бүгүнүгэр диэ-
ри география учууталынан, улууска физкультурнай хамсааһыҥҥа, туризмҥа
уонна кыраайы үөрэтиигэ салгыы үлэлэһэ сылдьабын.
Мин, сэрии сылларыгар күн сирин көрбүт киһи, үөрэхтэнэн, үлэһит
буолан, билигин төһө да 70 сааспар үктэнээри олордорбун, аҕам А.Г.Ники-
форов аатынан педагогическай династияны салгыы сылдьарбынан киэн тут-
табын!
Анатолий Андреевич Никифоров, педагогическай үлэ
ветерана, 2012 с. кулун тутар

А.А.Никифоров бэйэтэ суруйарыныы кун бүгүн да үлэлии-хамсыы, кэтээри
ыччаты кэрэҕэ, үтүөҕэ, чөл олоххо уһуйа сылдьарын, улуус хаһыатыгар сото-
рутааҕыта тахсыбыт бу кыракый да сурук туоһулуур.

166