Page 168 - Уйбаан Бахсылыырап. Сэрии кэмин оҕолоро - эйэлээх олох уустара

һыынча солкуобайдаах харчы, итии таҥас уонна заем хомуллубута. Оборона
фонун тэрийиигэ, булка уонна балык бултааһыныгар дууһа баһыгар таһаар-
дахха нэһилиэк оройуон үрдүнэн бастыҥ көрдөрүүнү ситиспитэ.
Сэрии иккис сылыгар (1942 с.) күһүн дьыл киириитигэр Туматтан 15
көстөөх Трофимовскай учаастагар хаар түһэн эрдэҕинэ, Чурапчы оройуонун
көһөрөн аҕалан сүөкээбиттэрэ. Мин маны эрдэ истэн, үөрэх саастаах оҕоло-
рун кыһыҥҥы суолунан киллэрэн оскуолаҕа үөрэтэргэ сорук туруоруммутум.
Ол иһин учууталлар күүстэринэн муҥхалааһыны тэрийбитим. Итии таҥас
хомуйан дьонун 15 көс сиргэ аара хонор дьиэ тэрийтэрэн, почта таһар ыт
сыарҕатынан 18 оҕону, үгүстэрэ тулаайахтары, сэриигэ барбыт дьон оҕоло-
рун хомуйан аҕалбыппыт. Нэһилиэнньэ көмөтүн тэрийэн маҥнайгы сыл сайын
бултаабыт 2 тонна балыкпытын сиэтэн босхо аһатан-таҥыннаран үөрэппип-
пит.
Андрей Никифоров, педагогическай үлэ ветерана

ҮЛЭБИНЭН КИЭН ТУТТАБЫН

“Төбөтүн оройунан үлэҕэ түспүт киһи” диэн этии баар. Бу этии
Анатолий Андреевич Никифоровка толору сыһыаннаах. Кини биир сиргэ
таба олорбот, тугу эрэ тэрийэ, тэрийсэ, көҕүлүү сылдьар, ол тэрээһин-
нэргэ үксүгэр бэйэтэ кыттар уонна ыччаты көҕүлүүр киһинэн буолар.
Кини аҕатын, ийэтин педагогическай династияларын салҕаабыт педаго-
гунан буолар. Билсик, сэрии кэмин оҕотун, олоҕун, үлэтин барытын ыч-
чат иитиитигэр анаабыт А.А.Никифоров кылгас ахтыытын.

Сэрии сылларыгар биһиги дьоммут Булуҥ оройу-
онугар Туматынан, Күһүүрүнэн үлэлээбиттэр. Ийэм
Акулина Михайловна миигин 1944 с. атырдьах ыйы-
гар Булуҥҥа төрөтөөрү хаана баран, суһал көмө
сөмөлүөтүнэн Дьокуускайга аҕалыллан ыараханнык
оҕоломмут. Онон мин төрөөбүт сибидиэтэлистибэбэр
Дьокуускайга төрөөбүтэ диэн сурук оҥоһуллар. Ийэ-
бит Акулина Михайловна барыта сэттэтэ оҕоломму-
туттан сут-кураан дьыллар кыһарҕаннарыттан, үс оҕо
тымныйан баран эмп-томп тиийбэтиттэн суорума су-
олламмыттар. Мин дьиэ кэргэҥҥэ бэһис оҕонон күн
сирин көрбүтүм. Биһиги дьиэ кэргэҥҥэ онон, сэрии
кэмин оҕолоро, эдьиийбинээн Тамара Андреевналыын
иккиэбит, бырааттарбыт Михаил уонна Андрей сэ-
рии кэнниттэн төрөөбүт оҕолор.
Аҕабыт Андрей Григорьевич Дьокуускайдааҕы пединституту, ийэбит Аку-
лина Михайловна педучилигцены 1947 с. бүтэрэннэр дойдуларыгар Уус-Ал-
даҥҥа кэлэн, үлэлэрин Мүрү орто оскуолатыгар салгыыллар. Мин үс саастаах
уол Бороҕон киинигэр турар хара уһун уопсай дьиэҕэ үс группалаах оҕо са-
дыгар оскуолаҕа киириэхпэр диэри иитиллибитим. Оҕо-садыгар ыстаарсай
иитээччинэн Е.А.Петрова үлэлээбитэ, кини кэргэнэ Д.Д.Петров кэлин исто-
рическай наука доктора, Саха сириттэн Аҕа дойду сэриитигэр кыттыбыт
буойуннары үйэтитэн сүҥкэн кылааты киллэрбит киһинэн буолар. Дмитрий
Дмитриевичтээҕи кытта биир олбуорга олорбуппут. Кинилэр оҕолоро Ана-
толий, Пантелеймон, мин уонна бырааттарым бары бииргэ оонньоон-көрүлээн
оҕо сааспытын атаарбыппыт.

164