Page 171 - Уйбаан Бахсылыырап. Сэрии кэмин оҕолоро - эйэлээх олох уустара

СПОРТ ПРОПАГАНДИҺА, ЭНТУЗИАСТ-УЧУУТАЛ

Учууталлар учууталлара, олоҕун бүтүннүү ыччат үөрэхтээһинигэр анаа-
быт САССР үтүөлээх учуутала Андрей Григорьевич Никифоров педагогичес-
кай династиятын салҕааччы, идэтинэн географ Анатолий Андреевич Ники-
форов оройуоҥҥа туризм, спортивнай ориентирование курдук спорт көрүҥнэ-
рин пропагандалааһыны олоҕун аргыһа оҥостубут энтузиаст учууталынан
биллэр. Өссө алта уонус сыллартан Дүпсүн, Мүрү орто оскуолаларыгар үлэ-
лиир сылларыгар туризм сайдыытыгар элбэх сыратын биэрбитэ. Кини хас
сыл ахсын ыытыллар оройуон, республика күрэхтэһиилэригэр эдэр туриста-
ры эрчийэн, салайан кытыннарбытын ааҕан сиппэккин. Быйыл саас ыытыл-
лыбыт спорт кыһыҥҥы көрүҥнэригэр II республикатааҕы спартакиадаҕа
кырдьары билиммэт энтузиаст хайыһарынан спортивнай ориентированиеҕа
Уус-Алдан сүүмэрдэммит хамаандатын тэрийэн, эрчийэн, салайан Алдаҥҥа
тыа сирин улуустарын бөлөҕөр 11 хамаандаттан алтыс миэстэҕэ таһаарбыта
да куһаҕана суох ситиһиинэн буолар.
Анатолий Андреевич аны Алдантан эргиллэн кэлээт да, тус бэйэтин
көҕүлээһининэн Спорт сылынан Мындаабатааҕы спортивнай лицей (дир.
М.С.Бурнашев) 9-с кьшааһын сэттэ үөрэнээччитин уонна физрук Л.П.Тарс-
кайы кытта “Мындааба-Чараҥ-Окоемовка-Уус-Күөлэ-Окоемовка-Чараҥ
-Мындааба” маршрутунан “Хайыһарынан айан” десанын тэрийэн ситиһи-
илээхтик эргийэн кэллилэр. Уолаттар бары да талбыт курдук дэгиттэр талаан-
наахтар: Ньургун Готовцев — гимнаст, Уолан Свешников — сүүрүк, Дуолан
Яковлев — тустуук, Ганя Самсонов — мас тардыһааччы, Игорь Олесов -
сүүрүк, Вася Ефимов - мас тардыһааччы, Гоша Тролуков — футболист. От-
тон иккис салайааччы Лазарь Петрович Тарскай хайыһарга 1-кы разрядтаах,
оройуон хас да төгүллээх чемпиона.
Уолаттар “Хайыһарынан айан” десаннарын “Дьокуускай-Сочи” Бүтүн
Россиятааҕы конкурска кыттыы 1-кы этабын чэрчитинэн муус устар 21 күнүгэр
Мындаабаттан күнүс 11 чаастан үөрүүлээх быһыыга-майгыга аттаммыттара.
Маршруттарын точкаларынан Чараҥҥа, Окоемоваҕа, Уус-Күөлүгэр тохтоон
нэһилиэнньэни уонна оскуола үөрэнээччилэрин кытта көрсүһүүлэри тэрий-
дилэр. Айаннарыгар ардах быластаах хаардаан, эбиитин күүстээх тыал түһэн,
онуоха эбии үрэхтэр ууланан айылҕа араас күчүмэҕэйдэрин көрүстэллэр да,
уолаттар чаҕыйбатахтар.
Дьэ, итинник мүччүргэннээх айаннаах десаҥҥа үөрэх эйгэтигэр 45 сыл
устата айымньылаахтык үлэлиир, сэттэ уончатыгар чугаһаан эрэр саастаах
Анатолий Андреевич оҕолорун кытта тэбис-тэҥҥэ хайыһарынан бара-кэлэ 8
көһү систэри, үрэхтэри быһа түһэн, киэһэ 9 чааска Мындаабаҕа ситиһиилэ-
эхтик түмүктээбитэ да ылбычча киһи кыайбат, соруммат дьыалата. Чөл олох,
уҕараабат уох, спорка бэриниилээх буолуу холобура.
Үйэ аҥаарын эрэ кыайбат кэм устата Анатолий Андреевич төһөлөөх эл-
бэх улахан дьон уонна оҕолор спартакиадаларыгар, хайыһар, чэпчэки атле-
тика күрэхтэһиилэригэр судьуйалаабытын ааҕан сиппэккин. Бу күннэргэ аны,
Мындаабатааҕы спортлицей 8-10 кылаастарыттан 10 уолу кытта кэлэ-бара
уонтан тахса көстөөх “Мындааба—Майаҕас—Сыырдаах—Арыылаах—Бэйдиҥэ
-Арыылаах-Сыырдаах-Майаҕас-Мындааба” маршрутунан ыам ыйын 19-20
күннэригэр Спорт сылынан агитационнай-пропагандистскай сыаллаах вело-
сипедынан айаҥҥа бараары тэринэ-дьаһана сылдьаллар. Итинник киһи —
спорт энтузиаһа, фанат А.А.Никифоров.
Людмила Андросова, Мындааба,
2012 с. ыам ыйын 23 күнэ

167