Page 173 - Уйбаан Бахсылыырап. Сэрии кэмин оҕолоро - эйэлээх олох уустара

П.Заболоцкай
аатынан совхоз
Кэптэнитээҕи
отделениетын
управляющайа
И.И.Лыткин
Үлэ кыайыытын
Знамятын тутар

хаалбыт Мааппаҕа олоҕо олус ыараабыта. Ол да буоллар ыал аатын ылан,
син киэһэ аһыырдарын булунан олордохторуна, күһүөрү атырдьах ыйын
бүтүүтэ, Чурапчы оройуонун 41 колхуоһун хоту “Балык булдугар” диэн аат-
таан көһөрөр уураах тахсыбыта. Сэрии ыар балаһыанньатынан саптан, оччо-
тооҕу тойоттор кими да мөккүһүннэрбэтэхтэрэ, тугу да аахсыбатахтара. Бэл,
суорҕаҥҥа-тэллэххэ өлөөрү сытар кырдьаҕастар, саҥа төрөөбүт кыһыл оҕолор
“үлэһит ахсааныгар киирэн” бары көһөрүллүбүттэрэ.
Кэбээйигэ тиийэн, этэллэрин курдук, улаханнык балыктаан да эбэр киһи
суоҕун кэриэтэ этэ. Ол да буоллар, колхуос дьоно, туран сүөдэҥниир өттүлэ-
рэ балыкка, түүлээххэ былаан ылыммыттара. Дуунньа ийэтэ Мааппа эмиэ
балыкка барбыта. Биир балаҕаҥҥа оҕону-урууну мунньан баран Илибиэһэ
диэн 70 сааһын лаппа ааспыт эмээхсини дьиэһитинэн хаалларбыттара. Ити
кыһын балаҕаҥҥа баар оҕолор тоҥон өлүөхтэрин, Илибиэһэ эмээхсин киһи
уҥуоҕун эргиирин мастаан киллэрэн оттон тыыннаах ордубуттар.
— Күһэҥэ быстар, үрүҥ тыын өлбөөдүйэр кыһалҕатыттан аньыыны-ха-
раны оҥорон эрэбин. Ону Үрдүк Айыылар, көрүҥ! Маннык дьаһамматахпы-
тына, бу балаҕан дьоно бары өлөбүт. Ол ордук улахан аньыы-хара буолуо! —
диэн Илибиэһэ эмээхсин эрэйдээх таҥараҕа үҥээхтиирэ үһү.
Дуунньа кыыс икки быраатын көрөн-истэн, ийэтэ Мааппа саталлаах дьах-
тар буолан көһөрүллүүттэн этэҥҥэ эргиллэн кэлбиттэрэ. Ол эрээри аччык,
аас туор сэрии кэминээҕи олох кыракый Дуунньаҕа бэйэтин хара мэҥин
хаалларбыта. Аһааҕырбыт кыыс, орто үөрэх кэнниттэн Омскайдааҕы тыа ха-
һаайыстыбатын институтугар ветеринарнай салааҕа 4-с курска үөрэнэ сыл-
дьан, сыыстаран ыалдьан үөрэҕиттэн тохтуурга күһэллибитэ. Инньэ гынан
дойдутугар кэлэн эмтэнэ сылдьан Ваня Лыткины көрсүбүтэ. Икки тулаайах,
кыһалҕаны эҥэрдэринэн тэлбит дьон бэйэ-бэйэлэрин өйдөһөн, ыал буоларга
сөбүлэспиттэрэ уонна 1958 с. олохторун холбообуттара.
И.И.Лыткин Өнөр нэһилиэгэр Ленин аатынан колхуоска биригэдьиири-
нэн, Е.Е.Монастырева ветеринарынан үлэлии тахсыбыттара. Эдэр бири-
гэдьиир үлэтигэр хара маҥнайгыттан олус ирдэбиллээхтик сыһыаннаспыта.
Үлэҕэ тахсар итэҕэһи-быһаҕаһы толотторо сатыыра, ыанньыксыттар да, сүөһү
да көрөөччүлэр көрдөһүүлэрин сөптөөҕү этэллэр диэтэҕинэ үөһээ салалтаҕа
туруорсан, сороҕор салалтаттан кынчарылла-кынчарылла булан-талан тэйэ-
рэ. Онон сотору буолаат, И.И.Лыткин үлэһиттэргэ аптарытыаттаах салайаач-
чынан биллэн барбыта.

169