Page 176 - Уйбаан Бахсылыырап. Сэрии кэмин оҕолоро - эйэлээх олох уустара

устар 25 кунугэр, Евдокия Егоровна быйыл (2012 сыл) ыам ыйын 26 кунүгэр
орто дойду олоҕуттан арахсыбыттара. Этэр курдук, кинилэр сирдээҕи олохто-
рун оҕолоро, сиэннэрэ, хос сиэннэрэ салгыыллар уонна уһун уйэлэргэ ааттарын
ааттата туруохтара.

АҔАМ УОННА ОҔО СААС

Оҕо сылдьан өйдүүрбүнэн аҕабыт куруук матасыыкылынан кэлэрэ-бара-
ра. Үлэтиттэн быыс булан ардыгар биһигини хатааһылатара. Бииргэ тө-
рөөбүттэр сэттиэбит: биэс уол, икки кыыс. Мин тоҕо эрэ куруук иннигэр
олоробун, бэнсиин бааҕар, хаппаҕыттан тутуһабын уонна спидометр стрелка-
тын кэтиибин. Биирдэ сайын Тунах диэн сайылыктан кэлэн иһэн ол матасыы-
кыл араас өҥнөөх уоггарын кэрэхсээбиппин субу баардыы өйдүүбүн. Аҕабыт
отчуттары кэрийэ барарыгар сылдьыһар этибит. Кэбиһиилээх оттору мээ-
рэйдииригэр быа тутан көмөлөһөрбүт.
Кэптэнигэ биһиги ыал “бэрэссэдээтэл дьиэтэ” диэн сыбахтаах, маҥан
оппуохалаах дьиэҕэ олорбуппут. Сылын аайы күһүн үөрэх аһыллыытыгар,
интернат хаһан үлэлиэр диэри Уһун Күөлтэн аймахтарбыт оҕолоро кэлэн
олорон үөрэнэллэрэ. Сорохторо уһун кыһыны быһа биһиэхэ олороллоро.
Аҕабыт аймахтарыгар, билэр дьонугар сыһыана сылаас, эйэҕэс буолара. Дьи-
ҥэр, биһиги аҕабытын сымнаҕас майгылаах киһи диэбэккин. Ол эрээри кы-
ыһыра-кыйахана сылдьарын өйдөөбөппүн. Арай баракааһы оҥордохпутуна
дьарылларбыт. Биирдэ уолаттар, аҕабыт бултууругар анаан ууруммут ботуру-
оннарыттан буораҕын сүөкээн ылан умата оонньообуппут. Онно дьэ, кырдь-
ык, таһыллыбыппыт...
Аҕабыт Кэптэнигэ Иванов аатынан уулусса үһүгэр дьиэ туттубута. Дьиэ
малааһыныгар остуолга элбэх да элбэх киһи олорон аһаабыта. Дьиэбит оччо-
лорго хоһо суох килэччи этэ, онон наһаа киэҥ буолан көстөрө. Дьиэ миэбэлэ
диэн биир хомуот уонна трельяш сиэркилэ эрэ баара уонна барыта утуйар
ороннор. Кэлин билбитим, дьиэбит 12х8-таах эбит этэ. Дьиэ кэргэҥҥэ элбэх
буоламмыт, аҕабыт хас биирдиибит көҥүллүк тыынарыгар баҕаран оннук
дьиэни туттаҕа буолуо. Билигин санаатахха, Сэбиэскэй Сойуус өрөгөйдөөн
да турар эрдэҕинэ, мээнэ киһи итинник улахан тутууну ыытарга ылсыбата
эбитэ буолуо.
Оччотооҕуга сайын оҕо барыта үлэҕэ тахсара, дьарыга суох оҕо диэн суох
буолара. Мин эмиэ бэһис кылааһы бүтэриэхпиттэн отчуттар биригээдэлэри-
гэр сылдьыбытым. Ахсыһы бүтэрбиппит кэннэ оскуола отчуттарын звенотун
туспа тэрийбиттэрэ уонна 400 туонна от былаанын түһэрбиттэрэ. Онно аҕам
кэлэн оҕолору кытта кэпсэтэрэ, сүбэлиирэ уонна үлэ хаамыытын кэпсээн
куоталаһыы түмүгүн таһаарара. Онон совхоз саҕана биһиги көлүөнэ оҕолор
уопсай үлэ диэн тугун билэн улааппыппыт.

Аҕам сүбэһитим, тирэҕим этэ
Биһиги дьиэ кэргэн оҕолоруттан, мин, уратым диэн, үөскээбит дьиэбит-
тэн уһуннук тэйэн сылдьыбыт киһибин. Аан бастаан дьиэбиттэн тэйиим
диэн, Мүрү орто оскуолатыгар баран, 6 кылааска физмат кылааһыгар үөрэм-
митим. Кылааһым салайааччыта Иннокентий Дмитриевич Пермяков этэ.
Кэлин билбитим, кини аҕабын кытта бииргэ үөрэммит эбит. Мин оскуола-
ны бүтэрэн баран, Иркутскайдааҕы тыа хаһаайыстыбатын институтугар үөрэнэ
киирбитим. Онон дьиэбиттэн эмиэ тэйбитим. Үөрэнэ сылдьан арааска түбэ-

172