Page 177 - Уйбаан Бахсылыырап. Сэрии кэмин оҕолоро - эйэлээх олох уустара

һэҕин, дуогабардаһан барбыт буолан истипиэндьийэм үрдүк этэ да, харчы
син биир тиийбэтэ. Оччоҕуна дойдубар тэлэгирээмэ ыыттахпына, дьонум
барахсаттар харчы ыыта охсоллоро.
Институту бүтэрэн баран төрөөбүт дойдубар Партизан Заболоцкай ааты-
нан сопхуос мастарыскыайыгар сэбиэдиссэйинэн үлэбин саҕалаабытым. Үс
сыл курдук үлэлээбитим кэннэ, билэр киһим агроснаб үлэтигэр көһөрбөр
көрдөспүтүгэр, РАПО үлэһитэ буоларга сайабылыанньа суруйбутум. Кэлин
билбитим, маннык дьикти балаһыанньа буолбут этэ. Аҕам Иван Иванович —
киин отделение управляющайынан, ийэм Евдокия Егоровна — сопхуоска
бэтэринээр-бырааһынан, убайым Николай Иванович Даалы биригээдэтигэр
биригэдьииринэн, балтыбыт Марфа Ивановна сопхуоска агрономунан үлэ-
лиир эбиттэр. Итиннэ эбии мин сопхуос кылаабынай инженерэ буолуохпун
сөптөөх балаһыанньа үөскээбит. Оччотугар бырабылыанньа үксэ биһиги дьиэ
кэргэн буоларыгар тиийэр. Итинник дьаһайан, арааһа, сопхуос салалтатыт-
тан Лыткиннары аҕыйата сатаабыттара буолуо. Мин барбытым кэннэ бал-
тым Муся “Найахы” сопхуоска барбыта, ийэбит хонтуора үлэтигэр көспүтэ,
онон аҕабыт Кэптэни отделениетыгар Лыткиннартан соҕотох хаалбыта. Дьи-
ҥэр, кини, биһигини хаһан да бииргэ үлэлииргэ модьуйбат этэ да, олох
тардыыта оннук буолан хаалбыт этэ. Үс сыл саҥа үлэбэр сылдьан баран,
чугас дьонум өйөбүллэрэ ыарахан кэммэр тулхадыйбат төрүт буоларын өйдөөн,
төрөөбүт сопхуоспар төттөрү кэлбитим.
Уус-Алдан улууһун бастакы баһылыга Роман Петрович Попов 1992 сыл-
лаахха, тыа хаһаайыстыбатын министиэристибэтигэр үлэлии киирэр кыах-
таахпын эппитэ. Тыа хаһаайыстыбатын миниистирэ Ю.Д. Трофимовтыын
көрүһүннэрбитэ. Миниистир кинилэргэ араас улуус дьоно, ол иһигэр илин
эҥэр улууһун дьоно үлэлиэхтээхтэрин эппитэ да, мин министиэристибэҕэ
үлэлии кыайан киирбэтэҕим. Роман Петрович, аны, салайыы кадрдарын бэ-
лэмниир академияҕа Москваҕа үөрэнэ барыаххын сөп диэбитэ. Кэлэммин
аҕабар эппиппэр, аҕам толкуйдуу түһэн баран, үөрэнэ барарбар сүбэлээбитэ.
Кини, оччолорго оҕотун ыраах ыытарыттан саараабыта буолуо да, ити үөрэх
миэхэ кэскиллээх буолуоҕун санаан, үгүһү ыараҥнаппыта быһыылааҕа дии
саныыбын. Академияҕа үөрэхпин бүтэрэн, “Сахакредитбанк” инвестицион-
най-кредитнэй бааҥҥа үлэлээбитим, онтон Москваҕа олоро барбытым. Онно
олорон өрөбүл аайы дьоммун кытта төлөпүөнүнэн кэпсэтэн хомолтону-үөрүүнү
тэҥҥэ үллэстэ олорбутум.
Ийэлээх аҕам сааһыран эрэр дьон сиэринэн доруобуйалара кэбирээн бар-
быта. Онон дьоммутугар чугас буолаары дьиэ кэргэнинэн Москваттан Дьоку-
ускайга көһөн кэлбиппит. Аҕабыт сүрэҕинэн уонна хараҕынан ыалдьан эрэйи
көрбүтэ эрээри, оҕолоро үлэһит буолбуттарынан, сиэн элбээбититтэн асты-
нара, эрдийэрэ, чэбдиктик сананара быһыылааҕа ...
Миэхэ аҕам мэлдьи сүбэһитим, улахан тирэҕим этэ. Кини киһи туһугар
кыһаллар чараас дууһалаах, киэн көҕүстээх, муударай, бу олоххо биир киһи
олоҕун олорбут киһи быһыытынан, биһиги, оҕолоро, сиэннэрэ, өрүү өйдүү
сылдьыахпыт!
Егор Иванович Лыткин, уола

173