Page 181 - Уйбаан Бахсылыырап. Сэрии кэмин оҕолоро - эйэлээх олох уустара

сирдэринэн оскуола, балыыһа дьиэлэрин көҕүлээн туттарбыт, сахалартан
бастакы “Норуот үөрэҕириитин туйгуна” Гаврил Васильевич Егоров тө-
рөөбүтэ-үөскээбитэ, үлэ үөһүгэр сылдьыбыта. Колхозтаахтар, профсоюз
уонна комсомол сьезтэрин делегата Захаров Семен Семенович, БСНХБ кыт-
тыылаахтара (бастакы) Заболоцкай Иван Петрович, Калининскай Василий
Феофанович, Абрамова Мария Евсеевна, Находкин Петр Романович аат-
тара өрүү ытыктабылынан ахтыллаллар.
Кэлинки көлүөнэ үлэһиттэртэн Байаҕантай нэһилиэгэр Үлэ Албан
Аата орден толору кавалера М.Н. Готовцев күн бүгүн да үлэ үөһүгэр
сылдьар. Онтон кини эрэ иннинэ уонна кинини кытта тэнкэ үлэлээбит
колхозтаахтар, совхоз рабочайдара үксүлэрэ Бочуотунай грамотанан,
Хайҕал суругунан, Чемпион-ыанньыксыт лиэнтэнэн бэлиэтэммиттэрэ, со-
рохтор үлэлэрин иһин оччолорго мээнэ көстүбэт техника, дьиэ миэбэлин
араас фондаларынан бириэмийэлэммиттэрэ. Биллэн турар, үлэлээбит эрэ
киһи барыта уордьанка, мэтээлгэ тиксибэт. Ол эрээри кинилэр үлэлэрэ
эмиэ умнуллуо суохтаах диэн, “Герой Егоров” колхоз, кэлин совхоз биир
чулуу ыаннъыксытын Шапова Анастасия Романовна туһунан кэпсиэхпин
баҕарабын.
Аат-суол үлэнэн кэлэрэ

Иккис Байаҕантай нэһилиэгин олохтоохторо Роман Иннокентьевич уон-
на Анастасия Егоровна Иэйэхсит эдьиийдэрэ эҥэрдэһэн уонна оҕоломмутта-
рыттан бары кыргыттар этилэр. Саха эр киһитин сиэринэн Арамаан Неуст-
роев аатын ааттатар уол оҕолонуон туохтааҕар да баҕарара. Ол иһин сааста-
рын баттаһа 1941 сыллаахха уон биирис оҕолорун күүтэллэрэ. Саас тибиилэ-
эх-хаһыылаах дьөһөгөй ыйын бүтэһигэр күүтүүлээх оҕо күн сирин көрбүтэ
да, эмиэ кыыс оҕо төрөөбүтэ. Ол — Настаа кыыс этэ.
Ити сыл уоттаах сэрии саҕаланан, саҥа төрөөбүт кыыс уу ньирэй сааһыт-
тан ас-таҥас чычырбаһын билэн улааппыта. Сорох күн халбыыр үүт күгэни-
нэн, күөнэҕинэн эрэ үссэнэр түгэннэрэ да баара. Оччолорго ферма кыстык
дьиэтигэр хас да ыал бииргэ дьукаахтаһан олороллоро. Биир сааһыгар аҕата
суох тулаайах хаалбыт кыыһы дьукаахтара аһынан лэппиэскэ тооромоһунан
күндүлүүллэрэ. Дьон көмөтүнэн, ийэтэ “стахановец” үлэһит буолан, Настаа
кыыс атаҕар турбута, хойутаан да буоллар оскуола аанын аспыта. Ол эрээри
тиийиммэт олох бэйэтин биллэрэн, Настаа оччотооҕу сэрии кэминээҕи оҕолор
үксүлэрин кэриэтэ, 4-с кылааһы ситэри бүтэрбэккэ үөрэхтэн тохтуурга күһэл-
либитэ. Ити 1956 сылтан 15 саастаах Настя кыыс колхозка сүөһү көрүүтүнэн,
ыанньыксытынан биир күн өрөбүлэ суох үлэлээбитэ. “Табалаах” колхозка
Кучара диэн кыстыкка Охлопков Иван Степановичтыын 80 төбө субай сүөһүнү
ис-тас үлэлэри иккиэйэҕин көрөн кыстаппыттара. Эһиилгитигэр сүөһүгэ
сыстаҕас кыыска Настааҕа Мэлдьээйи диэн кыстык ферматыгар 16 уулаах
тиҥэһэни туттарбыттара. Ити кэмнэргэ ньирэйи ынахтан араарар маассабай
үлэ саҕаламмыта. Оччолорго кыстык фермалар Кучараҕа, Мэлдьээйигэ, Ба-
лаҕаннаахха, Табалаахха, “Сулуска” бааллара. Онтон сайылыктара Күөрүмэҕэ
уонна “Сардаҥаҕа” буолара.
Ити сылларга Мохсоҕоллооххо ыанньык сүөһүгэ анаан саҥа хотон туп-
путтара. Ол хотон оҥоһуутугар колхозтаахтар Р.Я.Егоров, Е.И.Ушницкай, А.Н-
Шапов, И.И.Колодезников-Кэдэгэр уо.д.а. дьиэлэрин-уоттарын хаалларан
фермаҕа хоно сылдьан үлэлээбиттэрэ. Хотон оҥоһуутугар Тандаттан сотору-
сотору субуотунньук дьоно кэлэн көмөлөһөрө. Инньэ гынан хотоннорун
оҥоһуутун тохсунньуга бүтэрэн, хотон иһигэр халыҥ гына от тэлгээн ыанньык
12 Заказ № 52
177