Page 182 - Уйбаан Бахсылыырап. Сэрии кэмин оҕолоро - эйэлээх олох уустара

Анастасия Романовна уола Рома- Настя, Анастасия, Артем Ивановтар
лыын, кыыһа Настялыын Москваҕа. 1988 с.

сүөһүлэри хас да бытархай хотоннортон уопсай биир хотоҥҥо киллэрбиттэ-
рэ. Ферманы тута кэриэтэ “Ыччат-комсомольскай фермата” диэн ааттаабыт-
тара, ферма салайааччытынан кэлин рационализатор бэрдэ буолбут, “Бочуот
Знага” орден кавалера Константин Дмитриевич Федоров, комсомол сэкирэ-
тээринэн Артем Николаевич Шапов талыллыбыттара. Эдэр саас, уопсай үлэ
күүрээннээх-күргүөмнээх сыллара бэрт түргэнник элэстэнэн испиттэрэ. Фер-
маҕа ыанньыксытынан Г.И.Охлопкова, А.С.Матвеева, А.М.Неустроева,
В.Н.Богдашин, А.А.Сидорова, А.С.Готовцева (Герой М.Н.Готовцев ийэтэ) уон-
на А.Р.Неустроева-Шапова үлэлээбиттэрэ. Онтон от тиэйээччилэринэн уон-
на уу баһааччыларынан И.М.Готовцев, Р.Н.Готовцев, А.Н.Шапов, Н.С.Го-
товцев сарсыарда эрдэлээн, киэһээ хойутаан икки хараҥаны ыпсаран үлэли-
иллэрэ. Кэлин “Оскуола-производство-үрдүк үөрэх” ыҥырыынан Роза Бело-
любская, Паша Мырсанова, о.д.а. оҕолор тахсан биирдии-иккилии сыл үлэ-
лээбиттэрэ.
“Мохсоҕоллоох” фермата ити курдук 1959 сылтан 1973 сылга диэри тиги-
нэччи үлэлээбитэ. Ь1ччаттар да ыал буолуулара бу фермаҕа элбэх этэ. Ол
курдук, Анастасия Романовна Шапов Артем Николаевичтыын олохторун хол-
бообуттара. Эһиилгитигэр бастакы оҕолоро Коля күн сирин көрбүтэ. Ол гы-
нан эдэр ыал бастакы оҕолоро киһи буолар дьылҕаламматаҕа... Онтон колхоз
ферматын күүстээх, түбүктээх үлэтэ үлэһит илиигэ наадыйара. Артем Ша-
пов Настаатыгар күүс-көмө буолаары даҕаны тылланан, фермаҕа ыанньык-
сытынан үлэлии киирбитэ. Ол кэмтэн Настаалаах Артем тутуспутунан биир
фермаҕа үлэлээн, Настаа төһө да сыллата кэриэтэ оҕолоннор, өрүүр диэни
билбэккэ ыанньыксыттыыр үлэтин тохтоппотоҕо.
“Герой Егоров” колхозка 1967 сыллаахха М.Н.Сибиряков бырабылыан-
ньа председателинэн үлэлии кэлбитэ. Максим Николаевич кассатыгар баа-
ра-суоҕа 3 солкуобайдаах колхуоһу оройуоҥҥа уонна республикаҕа инники
күөҥҥэ таһаарбыта. Колхоз ол инники күөҥҥэ тахсыытыгар Анастасия Ро-
мановна уонна Артем Николаевич курдук үлэһит дьон көмүс көлөһүннэрин
тохпуттарын мэлдьэһэр табыллыбат.

178