Page 274 - Уйбаан Бахсылыырап. Сэрии кэмин оҕолоро - эйэлээх олох уустара
P. 274
АҔАМ БОСТУУКТУУРУН ӨЙДҮҮБҮН
Сэрии саҕанааҕы көлүөнэ дьон үксүлэрэ даҕаны үөрэх диэнтэн матан,
бары кэриэтэ холкуос хара үлэтин өрө туталлара. Биһиги төрөппүттэрбит,
аҕабыт Копырин Николай Петрович, ийэбит Мария Прокопьевна Петухова
элбэх оҕолоох ыаллар этэ. Кинилэр уонна оҕоломмуттарыттан биһиги алта
оҕо дьон буолбуппут, уоннааҕы оҕолор кыраларыгар өлөөхтөөбүттэр.
Ийэбит сааһын тухары ыанньыксытынан үлэлээн пенсияҕа тахсыбыта.
Аҕабыт бостууктуура, кыһынын хотон тас үлэтигэр сарсыарда эрдэттэн, киэһэ
хойукка диэри түбүгүрэрэ. Сайын аҕабыт бостууктуур кэмигэр акка мэҥэс-
тэн айанныырбын өйдүүбүн. Аҕам барахсан көтөҕөн ылан ыҥыыр кэннинэн
ат самыытыгар олордор уонна бэйэтэ атын миинэн оргууй аҕай хаамтарар.
Санаабар сирим ханна эрэ аллара ырыык-ыраах баар. Мин, тоҕо эрэ наар
дэлби түһүөм диэн санаалаахпын, ол иһин аҕабыттан ыксары да ыксары
тутуһабын. Аҕам атын сиэллэрдэҕинэ, аҥаар илиитин кэннигэр быраҕан,
миигин көхсүбүттэн өйөөн иһээччи. Сайылыктан оннук айаннаан бөһүөлэккэ
лааппыга киирэн сээкэйи атыылаһан тахсарбыт. Тоҕо миигин илдьэ бара-
рын билигин да өйдөөбөппүн, бука, кыра киһи сайыһан эрдэҕим буолуо.
Улаатан иһэн ийэбэр титииккэ тахсан ынах этэрэрим, ньирэйдэри аһатарга
көмөлөһөрүм. Кэнники үөрэнэн бэйэм ынах ыыр буолбутум.
Оскуоланы үөрэнэн бүтэрэн баран “Оскуола—производства—үрдүк үөрэх”
диэн оччотооҕу ыҥырыынан фермаҕа үлэлии тахсыбытым. “Лена” совхоз
Сыырдаахтааҕы отделениетыгар икки сыл ыанньыксыттаабыт кэммэр “Ком-
мунистическай үлэ ударнига” ааты чиэстээхтик сүкпүтүм. Биллэн турар, үрдүк
көрдөрүүнү ситиһэрбэр ийэм уонна кини дьүөгэлэрэ сүбэ-ама, күүс-көмө
буолбуттара. Производстваҕа икки сыллаах дуогабарым бүтэн, 1975 сыллаах-
ха Чурапчы Одьулуунугар СПТУ-га овогцевод үөрэҕэр үөрэнэ киирбитим. Кыр-
дьыгынан эттэххэ, оскуола кэнниттэн 2-3 сыл сопхуоска оробуочайдыы сыл-
дьыбыт элбэх ыччат үрдүк үөрэх аанын кыайан аспатаҕа. Үөрэхпин бүтэрэн
Тулагы Сыырдааҕар ананан оҕуруокка үлэлээбитим, үлэбин сөбүлүүрүм.
Итинник үлэлии сылдьан 1982 сыллаахха Тулагы олохтоох уолугар, трак-
торист идэлээх Уваровскай Геннадий Георгиевичка эргэ тахсаммын сыры
сыллата кэриэтэ икки кыыс оҕоломмуппут. Кыргыттарбыт Настя, Люда Ту-
лагы орто оскуолатын үчүгэйдик үөрэнэн бүтэрбиттэрэ. Билигин иккиэн
ХИФУ-га үөрэнэллэр. Настя 2011 сыл Эбээн-Бытантайтан төрүттээх ДьГТХА-
ҕа үөрэнэр Женя Ивановтуун ыал буоланнар, Кира диэн сиэн кыыһы бэлэх-
тээтилэр. Онон биһиги, ийэлээх аҕалара, үөрүүбүт муҥура суох. Билигин
күммүт-ыйбыт сиэммититтэн тахсар.
Клавдия Николаевна Уваровская,
Тулагы Сыырдааҕа, 2012 с.
ИЙЭМ ТУҺУНАН СЫЛААС ӨЙДӨБҮЛҮМ
Аҕам мин үс сааспын туола иликпинэ олохтон барбыт буолан, кини ту-
һунан миэхэ өйдөбүл туох да хаалбатах. Аҕабын хаартысканан, ийэм уонна
бииргэ төрөөбүттэрим кэпсииллэринэн эрэ билэбин. Ийэбиттэн саҕалаан,
биэс бииргэ төрөөбүттээх буоламмын улахан көмүскэллээҕим, бары миигин
атаахтаталлара. Онон дьоллоох оҕо сааспар аҕабын суохтаппатахтара. Улахан
убайбын Михаил Николаевиһы оҕо эрдэхпиттэн аҕа курдук туттан улааппы-
тым.
270
