Page 37 - Уйбаан Бахсылыырап. Сэрии кэмин оҕолоро - эйэлээх олох уустара
P. 37
тата истиҥник бэлиэтээн турар. Аҕабыт Петр Петрович Бурнашев төһө да
бочуоттаах сынньалаҥҥа бардар, үлэттэн тохтооботоҕо, 70 сааһыгар диэри
үлэлээбит үлэ киниискэлээх киһинэн буолар. Бу тухары биир өрөбүлэ суох,
ыалдьан сытар диэни билбэккэ дьиҥ бэриниилээхтик үлэлээбит эбит. Аҕабыт
үлэтигэр олус кыһамньылаах, эдэр ыччакка наставник, үлэҕэ саҥаны киллэ-
риигэ инициатор, идэтигэр маастар ааттарын ылбыт холобурга сылдьар үтүө
үлэһит этэ. Петр Петрович нэһилиэгин Сэбиэтигэр икки болдьоххо субуруч-
чу депутатынан талыллыбыта. Үлэтин үрдүк көрдөрүүтүнэн элбэх Бочуоту-
най грамоталарынан, Махтал суруктарынан, сыаналаах бэлэхтэринэн бэлиэ-
тэммитэ. «В.И.Ленин төрөөбүтэ 100 сылын бэлиэтээн. Үлэҕэ килбиэнин иһин”,
“Аҕа дойдуну көмүскүүр Улуу сэрии 1941-1945 сс. үлэҕэ килбиэнин иһин”
уонна үбүлүөйдээх сыллар мэтээллэринэн наҕараадаламмыта.
Аҕабыт ийэбитинээн — Федосеева Мария Афанасьевналыын 1956 с. ыал
буолбуттар. Кинилэр 51 сыл устата иллээхтик, эйэлээхтик, бэйэ-бэйэлэрин
хайҕаһан, ситэрсэн, олус өйдөһөн, үөрэн-көтөн олох олорон ааспыттара. Ыал
быһыытынан өрүү элбэх хоноһолоох, ыалдьыттардаах, куруук сылаас чэйдэ-
эх, остуоллара сахалыы дэлэй астаах буолара. Аҕабыт байанайдаах булчут,
кыраҕы сааһыт этэ. Кини кыра кырбас оҕолорун балыктаан, куобахха туһах-
таан, күһүн-саас кустаан, кыһынын иитэр сүөһүтүттэн идэһэлэнэн хараны
быспат буолаллара. Ол да иһин биһигини сэттиэммитин аһатан-таҥынна-
ран атахпытыгар туруордахтара. Аҕабыт: “Үлэ - киһини киһи оҥорор!” —
диэн этиитэ бэйэтин холобуругар көстөрө.
П.П.Бурнашев киһи быһыытынан кыраҕа ымыттыбат киэҥ көҕүстээҕэ.
Ол быыһыгар бэһиэлэй, бэтиэхэлээх-оонньуулаах тыллааҕа-өстөөҕө. Олоххо,
сырдыкка дьулуһуута, оҕоҕо, кырдьаҕаска аһыныгас, сымнаҕас майгыта, ки-
һилии бодото биһиэхэ оҕолоругар, сиэннэригэр, хос сиэннэригэр холобур
буолар. Кини биһиэхэ амарах аҕа, сүбэһит эһэ, үөлээннээхтэригэр истиҥ
доҕор-атас этэ. Аҕабыт төһө да үөрэҕэ суох буоллар, сынньалаҥар араадьый-
атын тута сылдьар, биһигиннээҕэр элбэх сонуну, саҥаны билэр киһи этэ.
Билигин, оҕолоро сааһыран истэхпит аайы, ийэлээх аҕабытыгар баалла-
рыгар эппэккэ хаалбыт махталбытын, иитиллибит иэспитин хайдах
төлүүрбүтүн, тириэрдэрбитин толкуйдуу сатыыбыт. Киһи салҕанар кэнчээ-
ри ыччатынан, аҕалаах ийэбит 20-н тахса сиэннээхтэр, 10-ча хос сиэннээх-
тэр, эдэрдэр өссө да эбиллиэхтэрэ турдаҕа. Бу буолар ийэлээх аҕабыт үйэлэр-
гэ салҕанар утумнара, кинилэр кэхтибэт кэриэстэрэ.
Аҕабыт: “Сүрэхтээх, үлэһит киһи ханнык да кэмҥэ өлөн-охтон биэрбэт!”
— диэбит тылларынан ахтыыбын түмүктүүбүн. Аҕабыт, эһэбит бу эппит
тылларын кэнчээри ыччата үйэлэргэ өйдүү сылдьарыгар эрэнэбин!
Мотрена Петровна Барашкова,
улахан кыыстара, үлэ ветерана. Уус Күөл
ӨРҮҮ ЫЛЛЫЫ, ҮӨРЭ-КӨТӨ СЫРЫТ ДУУ...
Мин эһиэхэ кэпсиир киһим Семен Константинович Бурцев чахчы да
бэйэтин күүстээх санаатынан, дьулуурунан олоххо суолун булуммут киһи.
Маннык дьону олоххо холобур эрэ оҥостуохха сөп.
Сеня Бурцев алта уон биэс сыл анараа өттүгэр Уус-Алдан оройуонун I
Лөгөй нэһилиэгэр дьадаҥы дьиэ кэргэҥҥэ төрөөбүтэ. Айылҕаны кытта туох
сибээс баара биллибэт эрээри, Сеня уол оҕо эрдэҕиттэн мөлтөхтүк көрөр
3 Заказ № 52
33
