Page 347 - Уйбаан Бахсылыырап. Сэрии кэмин оҕолоро - эйэлээх олох уустара

Москвитиннар
оҕолорун, сиэннэрин
кытта.
2012 с.

спартакиадаларга нэһилиэк, оройуон чиэһин элбэхтэ көмүскэспитэ. Оччо-
лорго велосипедынан сүүрүүгэ күрэхтииһэлэргэ кыттаары Сыырдаахтан Бо-
роҕоҥҥо велосипедынан киирэллэрэ. Хайыһарга да балачча сэргээн күрэх-
тэһэрэ. Ол эрээри колхоз, совхоз үлэһитэ анаан спордунан дьарыктанар күнэ-
дьыла да, усулуобуйата да суоҕа. Онон дөрүн-дөрүн буолар күрэхтэһиилэргэ,
этэр курдук, айылҕа тугу биэрбитинэн кыттара.
Ыал буолуу, удьуору ууһатыы, олоҕу салҕааһын орто дойдуга төрөөбүт
киһи ытык анала. Сэрии кэмин оҕолоро — Коля Москвитин уонна Мотрена
Андросова доҕордуу сыһыаннара таптал умуллубат уотунан күөдьүйэн, сүрэх-
тиин сөбүлэһэн 1969 сыл алтынньытыгар ыал буолбуттара. Эдэр ыал ийэтин
М.С.Москвитинаны оройуон киинигэр Бороҕоҥҥо үлэҕэ ылбыттара. Онон
Москвитиннар Бороҕоҥҥо көһөр буолбуттара. Совхоз салалтата бастыҥ үлэ-
һитин, тарбахха баттанар суоппарын Николай Москвитины совхозтан ыыты-
маары дьирээлэспитэ. Ол эрээри оройуон киинин эргиэнин бухгалтерынан
үлэлии киирбит Мотрена Семеновна Сыырдаахтан сылдьан үлэлиирэ кыал-
лыбат буолан, Москвитиннар 1970 сыл Бороҕоҥҥо көһөн киирбиттэрэ.
Николай Васильевич оройуон киинин коммунальнай хаһаайыстыбаты-
гар, АТК-ҕа, райсовекка, эмп тэрилтэтигэр суһал көмө уонна уу баһар массыы-
наларга, юннатскай станцияҕа, комбайн н а суоппарынан барыта отуттан тахса
сыл үлэлээн, 1997 сыл пенсияҕа тахсыбыта. Н.В.Москвитин күн бүгүн да,
илиитин тимир көлөтүн тэһииниттэн араарбат.

Улуу Кыайыыны уруйдуу

Андросов Семен Иннокентьевич I Өлтөк нэһилиэгэр элбэх оҕолоох дьиэ
кэргэҥҥэ төрөөбүт. Кыра унуохтаах эрээри турбут-олорбут, кэпсээннээх-ип-
сээннээх, хап-харанан чоҕулуччу көрбүт Сэмэн Ондуруоһап булчут бэрдэ эбит.
Сайыны-кыһыны быһа туу арааһын өрөн, илими, муҥханы бэрийэн балык-
тыырын, туһаҕынан, сохсонон куобаҕы кыайа бултуурун, бэл, кыра кыыһа
Матрена өйдүүр.
— Аҕабыт барахсан куһа-куобаҕа, мундута-собото кыһыннары-сайынна-
ры баар буолара. Мин киһини өйдүөхпүттэн, бэйэтин дьиэ кэргэнин аһата-
рын ааһан, дьукаахтарыгар уонна чугас ыалларыгар балык, куобах өлүүлүүрэ.
Оскуолаҕа киирэ илик сааспар кыстык фермаҕа, сайылыкка олорор кэмми-

343