Page 352 - Уйбаан Бахсылыырап. Сэрии кэмин оҕолоро - эйэлээх олох уустара

ДОЙДУ СИТИМЭ УМНУЛЛУБАТ

Дьоллоох олдьуй оҕо саас

Аҕабыт Никифоров Дмитрий Михайлович муос-
чут идэлээх буолан, дьоммут төрөөбүт-үөскээбит ала-
астарыттан арахсан, Дьокуускайга киирэн олохсуй-
буттар. Ол олорон миигин 1927 сыллаахха төрөппүттэр.
Ийэм Сивцева Ольга Ионовна төрүкү сэллик ыары-
һах эбит, онон куорат быраастара миэхэ ийэм үүтүн
эмнэрбэтэхтэр, ийэбэр төрүт да чугаһаппатахтар.
Төрөөбүтүм 1,5 ый буолбутун кэннэ ийэм балтыгар
таһаарбыттар, онтон Бороҕон улууһун Лөгөй нэһи-
лиэгэр олорор аҕам аймахтарыгар ииттэрэ ыыппыт-
тар. Ол дьон, мин төрөппүт аҕам Д.М.Никифоров та-
айдарын уолаттара Бушуевтар диэннэр. Миигин
оҕото-уруута суох ыал Михаил Иванович Бушуев уон-
на кэргэнэ Никифорова Екатерина Григорьевна иитэ ылаллар. Екатерина
Григорьевна төрөөбүт аҕабынаан эмиэ аймахтыылар. Ииппит аҕам Мэхээлэ
Бушуев, ийэтэ Феврония Николаевна Охлопкова сэттэ оҕотуттан саамай ула-
ханнара, кыралара Лааһар Бушуев.
Адьас кырабыттан ыалга иитиллэн Мэхээлэни аҕам, Кэтирииһи ийэм
диэн улааппытым. Сэттэ сааспар тиийиибэр ийэм Кэтириис барахсан эмис-
кэ сүрэҕинэн ыалдьан өлөөхтөөбүтэ. Инньэ гынан эбэм Хобороос иитиити-
гэр хаалбытым. Биһиэхэ өссө аҕам инитин Кирилэ уолаттара Уйбаан уонна
Прокопий-Боо, миигиттэн балыс уолаттар, ийэлэрэ өлөн биһиэхэ олорол-
лор. Эбэм Хобороос эмээхсин үөрэҕэ суох эрээри наһаа муударай, дьаһаллаах
киһи этэ. Аҕам Мэхээлэ дьиэтигэр отун-маһын көрө-көрө наар холкуоска
үлэлээн тахсара. Сарсыарда утуйа сыттахпытына үлэлии барара, киэһэ хойут
кэлэрэ, онтон сайынын от кэмигэр отууга хоно сылдьаллара. Онон аҕабытын
кыһыннары-сайыннары ахсааннаахтык көрөрбүт. Кэтэх сүөһүбүтүн, аспы-
тын-тан аспытын эбэбит Хобороос көрөрө, дьаһайара. Мин киниэхэ дьиэ үлэ-
тигэр кырабыттан көмөлөһөн улааппытым. Ииппит дьонум наһаа сымнаҕас,
киһини улаханнык мөхпөт дьон этилэр.
Сэрии иннинэ үлэлиир киһиэхэ холкуос дохуота үчүгэйэ уонна аҕам
Мэхээлэ өрүү куобахтыыр, балыктыыр буолан айахпытыгар үчүгэйдик аһаан
олорбуппут. Эбэм Хобороос үрүҥ аһы быспат этэ: “Үрүҥ ас алдьатыа суоҕа”,
— диэн тыллааҕа. Былыргы дьон улахан киһи иһититтэн оҕону аһаппат эти-
лэр. Сарсыарда турдахпытына хас оҕо аайы анал кытыйабытыгар толору
күөрчэх турар буолара. Ону сэлиэһинэй лэппиэскэтин кытта тото мотуйан
кэбиһэбит уонна күнү быһа үүт иһэ сылдьабыт. Тута ыаммыт үүтү иһэрбин
наһаа сөбүлүүр этим, ынах этэрэрбэр куруускабын тута сылдьарым. Ийэм,
кэлин эбэм бастакы ынахтарын үүтүттэн куруускабар кутан биэрэллэрин олус
минньигэстик иһэн кэбиһэрим. Онон үрүн ас барахсан киһи доруобуйаты-
гар туһалааҕын олдьой оҕо сааспыттан билэн улааппытым.
Бэс ыйын саҥатыгар сайылыкпытыгар булгунньахха көһөбүт. Сайылык-
пытыгар бастаан көһөн киирдэххэ элбэх сибэккилээх оттоох, үрэҕэ ып-ыраас
уунан сүүрүгүрдэ сытар буолааччы. Сайылыкпыт булгунньаҕын тэллэҕэр чу-
чунаах дэлэйдик үүнэрэ. Эбэбит биһигинэн ол чучунааҕы үргэтэн тууһуура,

348