Page 350 - Уйбаан Бахсылыырап. Сэрии кэмин оҕолоро - эйэлээх олох уустара

сүөһү иитиитин тохтоторго күһэллибиппит, — диэн Матрена Семеновна
кэпсиир. Москвитиннар ол да буоллар санааларын түһэрбэккэ, «Москвичта-
рын» гарааһын маҕаһыын оностон, бастаан утаа куораттан кыра-кыралаан
ас таһааран атыылаан, аны урбаанньыттар аатырбыттара. Бу үлэҕэ “Эрэл”
хааччахтаммыт эппиэтинэстээх тэрилтэ директора М.С.Москвитина суотчут
идэтэ улаханнык көмөлөспүтэ. Кини барыны-бары ааҕан-суоттаан үлэлиирэ,
ол иһин ылсыбыт дьыалата сыыйа сайдан испитэ. Онно эбии кини өйүттэн-
санаатыттан ийэ кыннын Варвара Афанасьевна олоҕор хаһан да “суох” диэн
тылы туттубатаҕа суолдьут сулус буолбута саарбаҕа суох. Ол иһин Москви-
тиннар “Баар, баар буолуохтаах, баар буолуоҕа” диэн өйүнэн-санаанан
дьүккүөрдээхтик үлэлээбиттэрэ.
Мин “Мүрү саһарҕата” хаһыакка үлэлии сылдьан редакция сорудаҕынан
М.С.Москвитина үлэтин сырдатаары иккитэ хаста кэпсэтэ сылдьыбытым да,
оччолорго кини миигин чугаһаппатаҕа. Ол өйдөнөр, саха киһитин сиэринэн
сэмэй майгы, дьон ордугургуоҕа диэн бэйэни харыстанар, араҥаччыланар санаа
баара эбитэ буолуо. Дьонтон наар ылары, туһанары эрэ өйдүүр-саныыр киһи
кыаҕырбатын, олох охсуутугар да түбэһэрин дьиикэй ырыынак үчүгэйдик
көрдөрбүтэ. Москвитиннар эргиэннэрэ сайдан истэҕин аайы үлэ миэстэтин та-
һааран ыччаттары үлэҕэ ылаллара. Кинилэртэн тирэҕирэн, араас тэрилтэлэри
тэринэн үлэлээн, билигин бэйэлэрэ атахтарыгар турбут ыччаттар элбээтилэр.
Аны Москвитиннар улуус иһигэр ыытыллар араас тэрээһиннэргэ үбүнэн үгүстүк
көмөлөһөр буолбуттара. Олортон сороҕун ааттаатахха манныктар:
— Улуус киинигэр Н.Н.Тарскай аатынан спорткомплекс тутуутугар көмө.
— “Уус-Алдан чулуу спортсменнара XX үйэҕэ” (автор И.М.Жирков) ки-
нигэ тахсарыгар көмө.
— Улуус кинематографтара “Сир ийэ билбэтин” диэн бастакы уус-уран
киинэлэрэ тахсыытыгар көмө.
— Бороҕоҥҥо ветераннар аллеяларын тутуутугар көмө.
— Улуу Кыайыы 60 сылыгар сэрии, үлэ, ат спордун ветерана, таайдара
В.А.Аммосов аатын үйэтитэн Курбуһах нэһилиэгэр ат сүүрүүтүн күрэхтэһии-
тин тэрээһинигэр көмө.
— Ю.И.Васильев-Дьаргыстай “Хаан Дьаргыстай-Батаап Ньукууһа” кини-
гэтэ тахсыытыгар көмө (2009).
Маны таһынан араас кыра тэрээһиннэргэ бириистэри, бэлэҕи-туһаҕы
оҥорууларын ааҕан сиппэккин. Бэл бастаан утаа дьоҥҥо-сэргэҕэ, ханнык
эрэ тэрээһин ыытыллыытыгар “Эрэл” ХЭТ хайаан да көмөлөһүөхтээҕин кур-
дук өй-санаа кытта үөскүү сылдьыбыта мэлдьэх буолбатах.
Москвитиннар Мүрү нэһилиэгэр биир биллэр-көстөр общественникта-
рынан буолаллар диэтэххэ, бука, сыыспаппыт буолуо. Манна сүрүн көҕүлэ-
эччинэн Матрена Семеновнаны ааттыахха сөп. Ол курдук кини Мүрү нэһилиэ-
гин ветераннарын сэбиэтин, "Пенсионердар союзтарын”, Бороҕон бөһүөлэ-
гэр “Эрэл” түөлбэ активын, “Алаас хотуна” дьахталлар түмсүүлэрин Ытык
сүбэтин уонна “Мүрү оһуордара” иистэнньэҥнэр түмсүүлэрин чилиэнэ. Маны
таһынан кини улууска биллэр-көстөр үлэлээх “Умсулҕан” коллекционердар
түмсүүлэрин биир актыыбынай кыттыылааҕа. Түмсүү 15 сылыгар 2009 сыл-
лаахха республика биир биллэр бэчээтин «Якутия” хаһыат анал корреспон-
дена Мария Павлова доҕотторун көмөлөһүннэрэн, “Умсулҕаннар” тустары-
нан дьоҕус да буоллар бэртээхэй альбом-кинигэни оҥорон бэлэхтээбитэ. Бу
кинигэҕэ 25 киһи хас биирдии дьикти дьарыга олус үчүгэйдик ойууламмыта.
Ол иһигэр Матрена Семеновна туһунан «Дьөһөгөй кыыһа» диэн кэпсээн баар.
Онтон кылгастык билсиэҕиҥ:

346