Page 40 - Уйбаан Бахсылыырап. Сэрии кэмин оҕолоро - эйэлээх олох уустара

ни бииритгэн матаран баран, атын өттүн хатаҕалыыра Сэмэн Көстөкүүнэбис
оонньообут оруолларыгар толору баар диэн үөлээннээхтэрэ чахчы астынан
ахталлар. Кырдьыга да оннук эбит этэ.
Сэмэн Көстөкүүнэбис Буурсап 1985 с. улуустааҕы көрбөттөр обществола-
рын председателинэн быыбарданан, күн бүгүҥҥэ диэри таһаарыылаахтык
үлэлии сылдьар. “Миигин бэйэҥ тэҥнээҕин курдук көр” диэн инбэлииттэр
Аан дойдутааҕы фестивалларыгар 1992 с. С.К.Бурцев ситиһиилээхтик кыттан
лауреат үрдүк аатын ылбыта. Ити сыл сэтинньитигэр Семен Константино-
вич, Илин Сибиир инбэлииттэрин зональнай көрүүлэригэр Кемерово куо-
ракка тиийэн Ойуунускай “Дьулуруйар Ньургун Боотур” олоҥхотуттан кии-
рии тыллаах, Сорук Боллур ырыатын толорон эмиэ лауреат аатын сүкпүтэ.
Бу үрдүк ситиһиилэринэн кынаттанан, Сэмэн Көстөкүүнэбис бүтүн Россия-
тааҕы инбэлииттэр фестивалларын көрүүтүгэр Москва куоракка “Россия”
гостиница колоннай саалатыгар хас эмэ тыһыынчанан көрөөччүлэр иннилэ-
ригэр тахсан бэйэтин талаанын көрдөрбүтэ. Кини ити ситиһиилэрэ барыта
1-кы степеннээх дипломнарынан, ону тэҥэ Москва куораттан остуолга ууруллар
өйдөбүнньүк мэтээлинэн наҕараадаланан эргиллибитэ. С.К.Бурцев салгыы
инбэлииттэр Аан дойдутааҕы фестивалларыгар кытта Германияҕа барыах-
тааҕа, ону баара Россия ити фестивалга кыттыбатаҕа.
С.К.Бурцев кыайан көрбөт, аахпат, суруйбат киһи диэтэххэ дьиҥ-чахчы
дьулуурунан, өйүнэн-санаатынан, чахчы култуураҕа бэриниилээҕинэн “Саха
өрөспүүбүлүкэтин култууратын үтүөлээх үлэһитэ” ааты ылыахтаах этэ. Дьэ,
бу маны биһиги улууспут култууратын уонна үөһээҥҥи салалта “таба көрө”
иликтэрэ киһини сөхтөрөр, дьиктиргэтэр эрэ. Семен Константинович быйыл
65 сааһын, култуура эйгэтигэр үлэлээбитэ 50 сылын томточчу туолар. Туһа-
аннаах тэрилтэлэр үлэһит киһини таба көрөн, үлэтин сыаналыыллара дуу?!
Семен Константинович олоҕун аргыһынаан Мария Митрофановналыын
9 оҕону төрөтөн, үлэһит оҥорон дьон кэккэтигэр таһаардылар. Ол бэйэтэ
туһунан сэһэн буоллаҕа.
Бииргэ үлэлиир аҕа табаарыспыт, Сэмэн Көстөкүүнэбис, эйиэхэ күн си-
ригэр баар бары дьолу-соргуну баҕарабыт! Кырдьары билинимэ, эдэрдии эр-
чимҥин ыһыктыма, өрүү ыллыы-туойа, дьону өрүү да үөрдэ-көтүтэ сырыт,
чэгиэн-чэбдик буол!
Иван Попов, Хомустаах бөһүөлэгэ,
1994 с. балаҕан ыйа

ОЛОҔУН СУОЛУН ЫЧЧАТТАРА УҺАТАЛЛАР

Бэйэм киинэ эйгэтигэр 21 сыл устата дьоҥҥо да, салалтаҕа да сирдэрбэк-
кэ үлэлээбитим. Ол туоһута “Саха сирин киинэтин ветерана” диэн знагынан
бэлиэтэммитим. “ССРС кинематографиятын туйгуна” буолар кыах баара,
бииргэ үлэлээбит дьонум бары билэллэр. Ону баара 1980 с. кыһыныгар, Хо-
мустаахпыт кулуубун ититэр хочуолунайа умайан, кулууп уоттан эмсэҕэлээн
үлэм тохтоон хаалбыта. Бэйэм сопхуоска кыладыапсыгынан үлэлии барбы-
тым. Кулууп оҥоһуллубутун кэннэ, тустаах үлэм таһынан, хамнас аҥаарыгар
эмиэ киинэ көрдөрөр буолбутум. Онон аҕа табаарыспынаан С.К.Бурцевтыын
үлэбитинэн элбэхтэ алтыһарбыт. Сэмэн Көстөкүүнэбис Хомустаахха мии-
гиттэн көҥүллэтэн, “узкай” пленкалаах “Украина” аппараатынан тахсан,
биһиэхэ көстүбэт киинэлэри көрдөрөн барара. Сороҕор аппараатын, киинэ-
лэрин миэхэ уларсара. Ити курдук биир идэлээхтэр бэйэ-бэйэбитин өйөнсөн
үлэлиирбит.
Ааспыт үйэ аҕыс уонус сылларын бүтүүтэ куобах мэнээгэ буолан, мин
36