Page 41 - Уйбаан Бахсылыырап. Сэрии кэмин оҕолоро - эйэлээх олох уустара

салайан илдьэ сылдьыбыт куобахчыттарым
күрэҕэр Семен Константиновиһы Нам сиһэ
курдук ыраах сиргэ илдьэ бараммын чэй
өрөөччүнэн үлэлэтэн, куобах күрэҕиттэн өрүү
куобахтаах кэлэн сүрдээҕин махтанар этэ. Туох
кистэлэй: “Көрбөт-истибэт оҕонньору тугу гы-
наары илдьэ бараҕын?” — диэн саҥарааччылар
да бааллара. Үс күннээх күрэххэ Сэмэн
Көстөкүүнэбис, үөлээннээҕэ Уйбаан Саабыс
Күөгэлэп оҕонньордуун иккиэ буолан, хата ким-
нээҕэр үчүгэйдик чэй өрөн, киэһээ куобах ас-
таан күөстээн күрэх дьоно олус бэркэ аһаан-
сиэн сылдьыбыппыт.
С.К.Бурцевка 80-с сс. инбэлиитинэн “За-
порожец” массыына биэрбиттэрэ. Оҕонньор
массыынатын уолаттара хардары-таары окко,
отоҥҥо сүүрдэллэрэ. Массыыналара моһуогур-
даҕына Сэмэн кимтэн да ыйыппакка бэйэтэ ха-
сыһан кыра алдьаныылары оҥорон иһэрэ. Ол
бука кини өр сылларга киинэ мотуордарын,
аппарааттарын оҥоро үөрэммититтэн буолуо
дии саныыбын. Отуттан лаппа тахса сыл киинэ аппараатыгар киинэ лиэнтэ-
тин илиитин иминэн иитэн, тус бэйэтэ экраҥҥа буолар “олоҕу” чуолкайдык
көрбөтөр да төһөлөөх элбэх киинэни көрдөрбүтүн киһи ааҕан сиппэт.
С.К.Бурцев Уус-Алдаҥҥа биир бастакынан “ССРС кинематографиятын
туйгуна” бэлиэнэн наҕараадаламмыта. “Коммунистическай үлэ ударнига”,
Уус-Алдан оройуонугар өр сылларга көрбөттөр уопсастыбаларын бэрэссэдээ-
тэлинэн тахсыылаахтык үлэлээн, “Бүтүн Россиятааҕы көрбөттөр уопсасты-
баларын туйгун үлэһитэ” ааты ылбыта. Кини ити үлэтин сыаналаан, Дьокуус-
кайга биир хостоох толору хааччыллыылаах дьиэни биэрбиттэрэ. Кини орто
дойду олоҕуттан бу дьиэтигэр олорон арахсыбыта.
С.К.Бурцев 1951 с. олоҕун аргыһын М.М.Бурцеваны көрсөн, сүбэлэрин
холбоон ыал буолбуттара. Мария Митрофановна 1932 с. от ыйын 1 күнүгэр
Хоро нэһилиэгэр Илин үрэх Тойон диэн сиригэр күн сирин көрбүтэ. Аҕата
Митрофан Бурцев, ийэтэ Аграфена Готовцева (Байаҕантай Тандатыттан
төрүттээх) сүөһү, сылгы ииттибит син сэниэ ыаллар эбит. Митрофан Афана-
сьевич Бурцев бастакы кэргэниттэн үс оҕону төрөппүт. Ол курдук улахан
уоллара Бурцев Афанасий Митрофанович I, кыыстара Мария Митрофановна
уонна Афанасий Митрофанович II дьон буолбуттар. Миитэрэпээн Буурсап
Арыппыаната өлбүтүн кэннэ иккистээн кэргэннэнэн 7 оҕону төрөппүт.
Мария чороччу улаатан иһэн 9 саастааҕар 1941 с. Чараҥ оскуолатыгар
үөрэнэ киирбитэ. Ол эрээри сэрии кэмигэр ас-таҥас кырыымчыга, кыайан
өйүөлээн үөрэттэрэр кыаҕа суох буолан, Миитэрэпээн кыыһын икки кылаас
үөрэҕинэн оскуолаттан тохтоппута. Онон Маайа оҕо сааһыттан колхуос араас
үлэтигэр миккиллибитинэн барбыта. Сытыы-хотуу кыысчаан сайылыкка
сылдьан ыанньык сүөһүнү атаҕынан эккирэтэн хомуйара, кыһынын субай
сүөһү көрөрө. Мария сыыдам, элэҥнэс буолан дьоно-сэргэтэ кинини “Тыры-
бына Маайа” диэн ааттыыллара.
Маайыс ыал буолан Чараҥҥа көһөн киирбитэ. Буурсаптар утуу-субуу кэ-
риэтэ 9 оҕону төрөппүттэрэ. Онон ийэ киһи өр кэмҥэ үлэлээбэккэ кэриэтэ
оҕолорун бүөбэйдээн олорбута. Онно эбии Сэмэн Көстөкүүнэбис үлэтинэн
атын-атын сирдэргэ ананан үлэлиирэ. Ол курдук Буурсаптар Суоттунан, Са-

37