Page 45 - Уйбаан Бахсылыырап. Сэрии кэмин оҕолоро - эйэлээх олох уустара
P. 45
Н.Н.Кынкин 16 сыл олох олорбут усталаах туоратыгар, кини көлүөнэ дьон
барыларын кэриэтэ үлэни эрэ өрө туппута. Атыттартан арыый атына, ол
үлэни өрө тутуута тулаайах уолга адьас кыра оҕо эрдэҕиттэн, хотоҥҥо ынах
ыаһыныгар тымтык тутууттан, титиик таһыгар түптэ оҥорууттан саҕа-
ламмыта. Ньукулайга аймах-билэ дьоно өйөбүл буолан, сэттэ кылаас үөрэхтэ-
нэн, эдэр киһи салгыы бэйэтин дьулуурунан салайар үлэҕэ үөрэнэн, ылсан, үөһэ
ахтыллыбытын курдук, араас үлэни барытын үлэлээбитэ. Кини үлэтигэр дьиэ-
тигэр хонор хоноһо, сылдьар ыалдьыт буолуталаабыт кэмнэригэр күүс-көмө буол-
бут, дьиэтин-уотун бэйэтэ көрөн-истэн олорбут олоҕун аргыһа Охлопкова Вар-
вара Макаровна буолар. Кычкиннар тустарынан үөлээннээхтэрэ, аймахтара,
оҕолоро, сиэннэрэ ахтыыларыттан билсиэҕиҥ.
ЭЛБЭХТЭ БИИРГЭ АЛТЫСПЫППЫТ
Сэрии, сут-суоһар сылларыгар обургу оҕо буоламмын, оччотооҕу олоҕу
син балачча өйдүүбүн. Мин Балбаара уонна Ньукулай Кыычыкыннааҕы кытта
элбэхтэ алтыспыт ыалым. Балбаараны төрөппүтгэрин да билэрим. Ол курдук
Варвара Макаровна Өкүлүүнэ уонна Макаар Охулуопкаптарга бастакы оҕолоро
этэ. Бииргэ төрөөбүт инитэ Ганя Түүлээх оскуолатыгар үөрэнэ сылдьан кыра
сааһыгар оһолго түбэһэн хомолтолоохтук өлбүтэ. Балта Мария кыра эрдэ-
ҕиттэн Ноһотуурап Михаил Константинович диэн аҕа баһылыктаах ыалга
иитиллэн, Томторго түөрт кылаас үөрэҕи бүтэрбитэ. Сэрии, сут-кураан саҕа-
ланан Мария салгыы кыайан үөрэммэтэҕэ. Сэрии кэнниттэн Копырин Илья
Иванович диэн киһиэхэ эргэ тахсан, Мария элбэх оҕоломмута-урууламмыта.
Кинилэр үксүлэрэ Кэптэнигэ олохсуйдулар, бары да төрөппүттэрин аатын
ааттатар үтүө олохтоох ыаллар буоллулар.
Варвара Макаровна дьоно “Барана” колхуос чилиэннэрэ этэ. Дьоно хаһа-
айыстыбаннай, чиҥ-чаҥ, үлэни-хамнаһы сатаан дьаһанар ыалынан биллэл-
лэрэ. Аҕалара Макаар мээнэ саҥарбат-иҥэрбэт дуоспуруннаах кырдьаҕас этэ.
Макаар Миитэрэйэбис сэрии сылларыгар булчут буолан киэҥ сирдэринэн
тэлэһийэн бултуура. Бэл Алдан өрүс уҥуор Түүлээх нэһилиэгин туһаайыы-
тынан кытта тахсан бултуура-алтыыра, өлгөмнүк бултуйара даҕаны. Онон
Балбаара сэрии сылларыгар атын ыал оҕолорун курдук аччыктыыры, сутууру
билбэтэҕэ.
Ийэлэрэ Өкүлүүн колхуос биир бастыҥ ыанньыксыта этэ. Варвара Ма-
каровна 1944 с. диэри Томтор оскуолатыгар үөрэммитэ. Оччолорго үөрэҕэ
суох бэрэссэдээтэллэр, биригэдьиирдэр элбэх этилэр. Балбаара кинилэргэ
быстах кэмҥэ суотчутунан, үлэ таабылын толорооччунан үлэлии сылдьыбы-
та. Онтон 1946-1947 сс. Лөгөй Сэбиэтин сэкирэтээринэн үлэлээбитэ. Варвара
Макаровна Николай Николаевич Кычкинныын ыал буолан баран аан бастаан
«Бөлөхтөһүү» колхуоска Нээбилэп диэн сиргэ олоро сылдьыбыттара. Онтон
1951 с. колхуостар бөдөҥсүйбүттэрин кэннэ Кэптэнигэ көһөн кэлэн олохсуй-
буттара. Варвара Макаровна колхуоска, сопхуоска кэлин оҕо садыгар да үлэ-
лии сылдьан олус кыһамньылаах үлэһитинэн биллэрэ.
Николай Николаевич олус холку, сымнаҕас киһи колхуоска, сопхуоска
орто сүһүөх салайар үлэҕэ сылдьыбыта. Кэлин Кэптэнигэ уонна Баатаҕайга
приемщигынан үлэлээн пенсияҕа тахсыбыта. Балбаара Ньукулайынаан
төрөппүт оҕолоруттан улаханнара Коля, Саха сирин хас да улууһугар мили-
цияҕа үлэлээн пенсияҕа тахсыбыта. Билигин Дьокуускайга олорор, оҕолор-
доох, сиэннэрдээх. Кычкиннар соҕотох кыыстара Тоня үрдүк үөрэхтээх ма-
41
