Page 44 - Уйбаан Бахсылыырап. Сэрии кэмин оҕолоро - эйэлээх олох уустара

быһа сыралаһан, дьаныһан туран үлэлээбитэ. Кэлин анал үөрэхтээх киһи
кэлэн кинини солбуйбута.
Сүүрбэһис үйэ биэс уонус сылларын ортолоругар (1956 с.) Лөгөй нэһилиэ-
гэр уруккута I Өспөх нэһилиэгин Уһун Күөллээҕи биригээдэтэ холбоспута.
Ити курдук колхуостары бөдөҥсүтүү политиката салҕанан испитэ. Ол кэмҥэ
Николай Николаевич Кычкин Хомустаах биригээдэтигэр (1956-1960) сирэй
биригэдьииринэн үлэлээбитэ. Кини үлэлиир кэмигэр Хомустаахха 18 ыанньык-
сыт ортотунан 15-18 ынаҕы ыыра. Биригээдэҕэ ыанньык уонна ыччат сүөһү-
лүүн барыта 800 төбөнү көрөллөрө. Оччолорго Тиит Арыылаах, Үҥкүр, Хам-
па, Кус Саарбыт, Араҥас, Буулуур уонна Маралаах фермаларынан, ону та-
һынан Хомустаахха бэйэтигэр кыстатан, итиччэ элбэх сүөһүнү этэҥҥэ сыл
таһаараллара. Элбэх ферманы кэрийэн үлэ хаамыытын көрөн-истэн, дьаһайан
дьону үлэлэтии, отчуоту хомуйуу, үлэ таабылын суруйуу биир биригэдьииргэ
син да сылаалаах үлэ этэ. Н.Н.Кычкин биригэдьиирдиир кэмигэр Хомустаахха
кулууп дьиэтэ тутуллубута. Хомустаахтар бу саҥа кулууптарыгар 1960 сыллаах
Саҥа дьылы көрсүбүттэрэ. Бу кулууп күн бүгүҥҥэ диэри үлэлии турар.
Николай Николаевич 1963 с. советскай-партийнай оскуола зоотехничес-
кай отделениетын үөрэнэн бүтэрэн тахсарын кытта Баатаҕай нэһилиэгэр
Сэбиэт председателинэн үлэлэтэ ыыппыттара. Кини бу дуоһунаска биир сыл
үлэлээн баран, бу нэһилиэккэ колхуос солбуйар бэрэссэдээтэлинэн үлэлээ-
битэ уонна зоотехниктаабыта. Кэлин оройуон киинигэр киирэн эт-үүт кэм-
бинээтин солбуйар директорынан 1971 с. бүтүөр диэри үлэлээбитэ.
Николай Николаевич Кычкин уонтан тахса сыл кэргэнин, кыра оҕоло-
рун бэйэлэрин эрэ хааллара-хааллара (партия сорудаҕынан), холостуой киһи
курдук, ыалга кыбыллан олорон ити салайар үлэлэргэ үлэлээбитин билигин
бэйэтэ да бэркиһиир. Кини 1947 с. Лөгөйтөн төрүттээх Охлопкова Варвара
Макаровнаны кытта олоҕун холбообута. Кинилэр алтата оҕоломмуттарыттан
билигин үстэрэ баар. Аҕатын аатын ылбыт Николай Николаевич Черскэйгэ
Ис дьыала органыгар үлэлиир, кэргэннээх, үс оҕолоох. Петр биэс оҕолоох,
төрөөбүт Кэптэнитигэр букатыннаахтык олохсуйда, тыа суутугар үлэлиир.
Кыыстара Антонина Кыылаайы бөһүөлэгэр (Түүлээх нэһилиэгэ) кийиит буо-
лан, икки оҕону төрөтөн улаатыннарар, идэтинэн учуутал.
Н.Н.Кычкин, син эмиэ атын колхуостаахтар курдук, урукку колхуоһунай
ыстааһа ааҕыллыбакка, пенсияҕа 60 сааһын туолан баран 1988 с. тахсыбыта.
Аҕа дойдуну көмүскүүр Улуу сэрии Кыайыынан түмүктэммитин кэннэ
1946 с. “Бөлөхтөһүү” колхуос 11 колхуостааҕар “Аҕа дойдуну көмүскүүр Улуу
сэрии 1941-1945 сс. үлэҕэ килбиэнин иһин” мэтээл бастакынан туттарыллы-
быта. Бу уон биир киһи иһигэр оҕо эрдэҕиттэн колхуос үлэтин өрө туппут,
кыайыыны уһансыбыт Николай Николаевич Кычкин эмиэ баара. Кини кэ-
лин В.ИЛенин төрөөбүтэ 100 сылыгар анаммыт “Килбиэннээх үлэтин иһин”,
“Кыайыы 40 уонна 50 сыла» юбилейнай мэтээллэринэн наҕараадаламмыта.
Николай Николаевич Кычкин курдук үлэһит киһи боростуойа, аакка-
суолга тардыспатах дьон ааттара сурукка тиһиллэн үйэлэргэ умнуллубатын,
кэнчээри ыччаттарыгар аата ааттана турдун!

Иван Попов, Хомустаах-Кэптэни, 1995 с.

Күн-дъыл күлүмэхтик ааһарын төһөнөн сааһыран иһэҕин даҕаны соччонон
ордук билэҕин. Мин бу Ньукулай туһунан суруйуум хайыы үйэ сүүрбэччэ сыл
буола охсубут эбит. Оттон Нъукулайбыт орто дойду олоҕуттан арахсыбыта
2013 с. ахсынньытыгар 10 сыла буолар.

40