Page 47 - Уйбаан Бахсылыырап. Сэрии кэмин оҕолоро - эйэлээх олох уустара
P. 47
Николай Николаевич: “Ийэ-аҕа таптала диэни билбэккэ улааппытым”, —
диэн кэпсиирэ. Эрдэ тулаайах хаалан эһэтин батыһан Суоттунан, “Бөлөхтөһүү”
колхуоһунан (билиҥҥи Хомустаах бөһүөлэгин сирэ-уота) аймахтарынан сыл-
дьан үлэҕэ-хамнаска эрдэттэн эриллэн улааппыт. Аҕабыт олус киэҥ-холку
көҕүстээҕэ, хаһан да кыыһыра, мөҕө-этэ сылдьыбат сымнаҕас майгылааҕа.
Кини оҕолоругар аҕа сылаас тапталын биллэрэн, бэлэхтээн ааспыт эбит диэн
билигин саныыбыт. Оскуолаҕа барарбытыгар эбэтэр ыалдьан балыыһаланар
буоллахпытына наар тээтэбит кэлэр-барар буолара. Сиэннэрин эмиэ куруу-
тун сүбэлии-амалыы, үөрэтэ-такайа сылдьара. Оҕолоро, сиэннэрэ үөрэхтээх,
үтүө суобастаах үлэһит дьон буолалларыгар олуһун баҕарара. Бэйэтэ кыайан
үөрэммэтэҕин маннык диэн кэпсээбиттээх.
Оччолорго 15-16 саастаах уолу салайар үлэҕэ сылдьар биллиилээх суру-
йааччы Сергей Степанович Васильев Дьокуускай куоракка көрсөн: “Коля
үөрэниэххин баҕарар буоллаххына сарсын 10 чааска педучилигцаҕа кэлээр”,
— диэбит. Аҕабыт дьоллоох, педучилище таһыгар тиийэн 2-3 чаас сылдьы-
быт, кэлин: “Ол саҕанааҕы кэнэн санаабар дьиэ иһигэр кыайан киирбэккэ
төннүбүтүм”, — диэн кэмсинээхтиирэ. Онон биһиги үөрэнэрбитигэр наһаа
баҕарара, элбэх сыратын-сылбатын, билиитин-көрүүтүн биэрбитэ. Оччотооҕу
партийнай салайааччылар, бастакы космонавтар хаартыскаларын, саха су-
руйааччыларын кинигэлэрин булан аҕалан көрдөрөрө, кэпсиирэ. Кини атын
да дьоҥҥо амарах, аһыныгас, үчүгэйи эрэ баҕарар санаалаах этэ. Кыаммат-
тарга, кыһалҕалаахтарга мэлдьи көмөлөһө сатыыра. Уус-Алданнааҕы эт-үүт
кэмбинээтин приемщигынан үлэлиир сылларыгар элбэх ыалга кыаҕа тиийэ-
ринэн көмөлөспүтүн дьоннор билигин да үчүгэйдик саныыллар. Аҕабыт сүрдэ-
эх ыалдьытымсах уонна уруу-аймах дьонун билсэ-көрсө сылдьар киһи этэ.
Биһигини кыра эрдэхпититтэн Суоттуга, Дьокуускайга, Мэҥэ-Хаҥаласка
олорор аймахтарыгар билиһиннэрэ, күүлэйдэтэ илдьэ сылдьара. Тээтэбит
билигин баара буоллар Мэҥэ-Хаҥалас Балыктааҕар баар Кычкиннар тэрийэр
ыһыахтарыгар хайаан да сылдьыа этэ дии саныыбыт.
Ийэбит, эбэбит Варвара Макаровна аҕыс уон сааһыгар диэри тура-олоро
сиэннэрин, хос сиэннэрин бүөбэйдэһэ, күүс-көмө буола сылдьыбыта. Кини
43
