Page 50 - Уйбаан Бахсылыырап. Сэрии кэмин оҕолоро - эйэлээх олох уустара

I Өспөх нэһилиэгин ыһыахтыыр сиригэр
турар Аар Баҕах сэргэлэр

Алгысчыт
Иван Иванович Бурцев

төбөтүгэр үс атахтаах чорооннооҕо буолар. Бу үс моойдор биһиги төрүт өбүгэ-
лэрбит кэнэҕэски кэнчээри ыччаттарыгар (бу биһиэхэ уонна эһиэхэ) анаан
хаалларбыт норуодунай матыыптарыгар олоҕурбута өйдөнүөн сөп. Сэргэ бары
ойуулара, оһуордара атын киэргэтэр мандара ахсаан өттүнэн ыллахха бы-
лыргы ытык ахсааннартан турар. Ол курдук моой ахсаана 3, сылгы төбөтүн
ахсаана 3, ортоку сүрүн моойун киэргэтэр мандар 7, онтон оһуордар 9 ахсаан-
наах оҥо хаһыы уонна бөлтөгөр быһыылаах оһуордарынан киэргэтиллибит-
тэр. Сэргэ биир сүрүн уратытынан төбөтүгэр баар чороон сэргэ маһыттан
үргүлдьү кыһыллан, чочуллан оҥоһуллубута буолар.
И.И.Бурцев бу сэргэтин оҥоро сырыттаҕына Д.К.Сивцев-Суорун Омол-
лоон биһиги киһибит үлэлиирин сөп буола-буола кэлэн көрөр, маастары
кытта наллаан кэпсэтэр. Уйбаан ылыммыт үлэтигэр бэйэтигэр олус ирдэ-
биллээҕин, сүрэхтээҕин, ыраас туттунуулааҕын, ураннык оҥорорун таба көрөн
Суорун Омоллоон музейга киирэн сэргэлэри оҥороругар көрдөһөр. Дьэ бу
курдук саҕаламмыта Уйбаан уонна улуу киһи Суорун Омоллоон билсиһиилэ-
рэ, бииргэ үлэлээһиннэрэ. Суорун Омоллоон өр кэмнэргэ ыра санаа оҥосту-
бут, киэҥ кэскиллээх уонна дириҥник толкуйдаммыт былааннарыттан биир-
дэстэрэ нуучча уонна саха норуотун үйэлэртэн үйэлэргэ доҕордоһууларын
кэрэһилээн кэпсиир мемориальнай сэргэлэрин иккиэн көмөлөөн толкуйдаан,
кинигэ бөҕөнү хасыһан, былыргы иһиттэр-хомуостар ойууларын, оһуорда-
рын сөптөөх буолаарай диэн талымастаан, суолталарын үөрэтэн, сэргэлэр
ааттарын толкуйдаан, эскизтарын чертежтаан, хат-хат ырытыһан эрэ баран-
нар сэргэ оҥоһуутугар туруналлара.
Ити курдук Уйбаан Бурцев музей комплексыгар анаан оҥорбут биэс сэр-
гэтэ саха киһитин үгүс үйэлэргэ иитэн-аһатан олорбут тапталлаах эбэбит
Өлүөнэ өрүс хотун үөһээ өттүттэн таҥнары уһаарыллан кэлбит толуу тиит

46