Page 83 - Сахаайа Ермолаева Тыыннаах ырыа

Төрүөтэ — культарга үн үүттэн:
Соло-чыын, дыбарыас, наар байыы...
Оннук дьон батастан-үҥүүттэн
Дьулайбат! Куттаабат ыар айыы...

Түмүгэ — кырыыска турааһын...
Сатана үөрүүнэн ылынар...
Бу сиртэн аньыылаах туорааһын
Кэнники кэскилгэр кыланар.

Кимминий мин — өрө ытыллар
Бу Байҕал түллэҥниир үөһүгэр?
Кэскилим буулдьанан ытыллар —
Кырдьыгым түрдэстэр түөһүгэр.

Ол эрэн бу сири таптыыбын!
Туох буолуой илдьиркэй таҥаһым...
Тас өттүн саҥалыы таптыыгын,
Талааннаах модельер саҥаһым...
* * *

Пегаһыам! Тыа сирэ ыҥырда!
Көрүөхпүт саҥалыы сүүрээни...
Төннүөхпүт сонуну ыҥыырдан —
Аныгы чахчыны, күүрээни...

Айылҕа ийэ өҥ сааһыгар
Сибэкки эҥинэ тэтэрэр.
Ыччат дьон эдэркээн сааһыгар
Ырыата-тойуга сэтэрэр.

Сатарҕа, кыайыгас уол оҕо
Сайыҥҥы хотуурун былаанныыр.
Имигэс илиилээх кыыс оҕо
Иистэнэр кыптыыйын кылаанныыр...

Ханнаҕын, Ааттатар Аналыам?
Эн бааргын — мин дьолум таһыма.
Күөгүттэн күрэнэр сааскы ыам
Балыга буолаҥнын саһыма.

6 Заказ № 231
81