Page 103 - Элэс Боотур Бүөтүр Оҕотоойоп

ЭЛЭС БООТУР 103

Салайа тутта да,
Тардыстар талаһатын,
Миинэр миҥэтин
Күүстээх күөнүттэн
Күөс кэриҥэ эти
Көҥү тиҥилэхтээтэ,
Куһуурар-иһиирэр
3370 Кускуй- Куо кымньыытынан
Хаппар кунугтан
Хабыы күөс эти
Хайы дайбаата,
Кымньыылыах өттүттэн
Кырбас кэриҥэ эт
Кыыраттыар диэри
Кымньыылаан кууһуннарда.
Эһэ Хара ат барахсан
Түөрт түөрэм туйаҕынан
3380 Түөрт хаардаах бугул саҕа
Тоҥ буору
Тоҕу тэбинэн
Тоҕус булас уйуллаах
Оҥочо долгун кутуруга
Суос-соҕотохто
Субурус гынна,
Сэттэ былас
Тибиилээх сиэлэ
Тэлэмэх туос курдук
3390 Тэлээрбитинэн барда,
Үс былас
Үөрбэ көмүс көҕүлэ
Үрдүк былыты үрдүнэн
Өрөкүйбүтүнэн барда^
Өтөҕүттэн өнүйэн,
Тиэргэниттэн тэлэһийэн,
Толоонуттан туораан,
Алааһыттан арахсан,
Атын дайды тардыытыгар киирэн,
3400 Аллараа дайдыны алларастатан,
Үөһээ дойдуну үөгүлүтэн,
Аан ийэ дайдыны