Page 101 - Элэс Боотур Бүөтүр Оҕотоойоп

Өлгөм үгүстүк
Үмүөрүһэн үөскээтин!
Хамныыр хара сүүрүгүм
Халыан үгүстүк
Ханыылаһан сырыттын!
Отум-маһым иччитэ
От-мас аннынан обугунаспыт
3290 Ойуу-бичик уолаттар,
Улдьаа дьарылык кыргыттар,
Күндү күөх сирэммиттэн
Биир салаа оту
Хаһыҥнатар-хардарытар буолаайаҕыт!
Аал-дууп маспар хорҕойбут,
Аһыырга-сииргэ анаммыт
Аҕыс иилээх-саҕалаах
Айгыр-силик
Аан ийэ дойдум иччитэ
3300 Аһыныылаах санаалаах,
Алгыстаах тыллаах
Арылы мичил
Аан Алахчын
Хотун эбэм!
Хоргутан, хомойон,
Түөрт сөҥ сүллүгэскин төлөрүтэн,
Үөһэттэн үргүөрү үргүтэн,
Аллараттан аргыары аргытан
Алаһа дьиэбин айгыратар,
3310 Аан ийэ дойдубун аймыыр
Буолаайаҕын!
Күн айыы улууһун
Көстүбэт бииһин күөмчүтүттэн
Көмүскүү-харыһыйа
Аан ийэ дойдубуттан
Аттанар күнүм буолла.
Аал уотум,
Алаһа дьиэм,
Аан ийэ дойдум иччилэрэ,
3320 Быдан үгүс дьылларга
Быралыйбат бырастыы буоллун!
Өлбөтөхпүнэ-өспөтөхпүнэ