Page 146 - Элэс Боотур Бүөтүр Оҕотоойоп

130 П. В. ОГОТОЕВ

Тэрийэ охсуҥ!
Чэй, түргэнник,
Тахса тардыҥ!» — дии-дии
Күөдэл ойутан иһэн
Күөл унуортан
Кыйдыы-хайдыы истэ.
Хоту ураһаны
Көрдө-көрбүтүнэн
Куртуйахтыы көтүтэн,
4430 Куобахтыы ойутан
Олох чугаһаан эрдэҕинэ —
Уҥа ойоҕоһугар
Онньоҕунан барбыт олооччулаах,
Тырыттыбыт таҥастаах,
Ынах быата курдаах,
Ынайбыт истээх,
Арбайбыт астаах,
Буолускай курдугунан
Болтооруччу көрбүт,
4440 Дьэс алтан курдугунан
Дьэлтэччи көрбүт,
Хараҕын ириҥэтэ
Хамыас холобурдаах,
Сыыҥа-сыраана сынньылыйбыт,
Сыта-сымара аҥкылыйбыт,
Сирэйэ-хараҕа
Сиритэ элэйбит,
Сэттэ уонун сиппит
Симэхсин эмээхсин эрэйдээх
4450 Кини диэки чарапчыланан,
Турулус-ирилис көрө түһээт,
Тылын былас таһааран,
Тыын быһаҕаһа тыынан,
Икки этэрбэһин быата
Иэнин ибили таһыйан,
Көрб үт үн - истибитин
Кэпсээн кэҕийэ охсоору,
Ураһа диэки
Уулааҕынан-хаардааҕынан көрбүтүнэн
4460 Чоҥкучах ойон