Page 149 - Элэс Боотур Бүөтүр Оҕотоойоп

).)Г)С БООТУР 133

Дууһалааҕы эрэ долгутуох
Дьикти үтүө дьахтар
Чараас-чараастык чапчылыйбытын,
4540 Минньигэс-минньигэстик мичилийбитин
Көрө түһээт,
Күлүмэх күүһэ көҕүрээтэ,
Сүрэҕэ өрүкүйдэ,
Сүһүөҕэ хамсаата,
Илиитэ-атаҕа утуйан,
Уҥуоҕа халыр-босхо баран,
Тыла эппэт кэлэҕэй,
Өйө өйүкү-төйүкү буолан,
Туту да булан эппэккэ,
4550 Аччыгый оҕо курдук
Аан аттыгар
Аппайан турда.
Аллара көрөбүн диэн
Үөһэ көрдө,
Үөһэ көрөбүн диэн
Аллара көрдө.
Ол курдук
Туту да гыныан булбакка
Туймааран турдаҕына,
4560 Били үтүө дьахтар
Күөгэйэн-нусхайан кэлэн
Уҥа илиититтэн ылан
Уҥа ороҥн о илдьэн
Олордон кэбистэ.
Суон тиит сыҥаһалара
Улуу бухатыыры уйбакка,
Бачыгырыы- бачыгырыы
Бэттэн барбытын
Сототун бөтөҕөтүнэн
4570 Өрө өйөөн олордо
(Эчи урааҥхай ороно
Уйуо да суох курдук
Улуу күтүрэ)...
Сырдык дьиэлэрин сыдьаайа,
Үрүҥ дьиэлэрин үрүмэччитэ,
Хара дьиэлэрин хараҥаччыта,