Page 150 - Элэс Боотур Бүөтүр Оҕотоойоп

134 П. В. ОГОТОЕВ

Былыттаах күннэ
Быктарбатах,

Күннээх халлаанҥа
4580 Көрдөрбөтөх,
Дьүһүннээх үчүгэйэ
Дьүөрэлэһэн тэҥнэспэт,
Сүрэхтээҕи эрэ сүүйүөх
Сөҕүмэр үтүө дьахтар
Эһэ Хара аттаах
Элэс Боотур

Иннигэр кэлэн
Үүс кыыл тириитэ
Үрдүк нуоҕайдаах бэргэһэтин
4590 Кэтэҕэр тиийэ
Кэҕис гыннаран баран,
Сүрэҕэ сөбүлээн,
Хараҕа хайҕаан,
Өгүрүк-төгүрүк көрөн,
Өрөөбүт уоһун өһүлэн,

Хаас-харах хамнатан,
Хоммут уоһун хоҥнорон,
Имин хаана кэйэн,
Истиҥ тылларын этэ,
4600 Олунньу ыйдааҕы
Уулаабатах-аһаабатах
Улаан убаһа курдук
Уулааҕынан-хаардааҕынан

Унаарыччы көрөн туран,
Улуу уус
Умнаан-чочуйан
Оҥорбутун курдук
Ураты үчүгэй
Уоһа-тииһэ
4610 Обуйуктана,
Субу курдук диэн
Сутул -игил тыына,

Утуу-субуу кута турда.