Page 148 - Элэс Боотур Бүөтүр Оҕотоойоп

132 П. В. ОГОТОЕВ

Бар дьаҕыл кыыллаах
Бастыҥ сэргэлэригэр
Эһэ Хара атын
4500 Барбат гына
Баайан баран,
Тунал маҥан ураһаҕа тиийэн
Аарыктаах аанын
Аргыый арыйа баттаан,
Киирэн иһэн
Көрө түспүтэ:
Кэтэҕэриин ороҥҥо
Киирэн эрэр күн
Килбиэнин курдук
4510 Кэрэ бэйэлээх,
Тахсан эрэр күн
Сардаҥатын курдук
Сырдык-сыдьаай сырайдаах,
Тыыннаах сибэкки курдук
Тырымныы мичилийэр,
Көрөртөн көрө-сүөргү үчүгэй —
Таҥас бүтэй
Тамана туналыйар,
Эт бүтэй
4520 Уҥуоҕа сандаарар,
Унуох бүтэй
Силиитэ дьалкыйар,
Таарыйдар эрэ
Киртийиэх курдук
Кэрэ бэйэлээх
(Кини балыстара диэн баара дуо,
Уон төгүл уон ордук)
Уу харахтаах
Утары кыайан көрбөт
4530 Олус үтүө дьахтар
Уун-утары
Унаарыччы көрөн
Олорор эбит.
Биһиги киһибит барахсан
Маннык бэйэлээх
Сүрэхтээҕи эрэ сүүйүөх,