Page 153 - Элэс Боотур Бүөтүр Оҕотоойоп

ЭЛЭС БООТУР 137

Үлтү түһэ сыспыта.
Үөрүүтүттэн өрө эккирии-эккирии:
«Оо, ол иһин даҕаҥы,
Үтүө дьон барахсаттар,
Өттүктэрэ үүттээх,
Саннылара сайаҕас,
Санаалара сырдык -
Сыыһа этиэх бэйэлээхтэр буолуо дуо,
4700 Бардыым-бардым», — диэт,
Тутум атахтаах
Луо бээгэй оҕуһун
Аҕыс атахтаах
Лиһир хара сыарҕатыгар
Лах гына олоро түстэ да,
Үөгүлүү түһээт
Суос-соҕотохто
Субурус гыннаран хаалбыта...
Барарын кытта
4710 Барҕа малааһыны
Бэлэмнээбитинэн барбыттара:
Сиртэн ситии саҕа
Ситимэ суох,
Халлаантан can саҕа
Тардылыктааҕа көстүбэт,
Күөрчэх курдук
Ытылла турар
Тимир килиэ
Ап-хомуһун ампаары
4720 Сир-халлаан икки ардыгар
Тип-тап тута охсубуттара.
Сааһыгар атыыр оҕуһу
Аттыгар аҕалбатах
Сэттэ субай ынах,
Үйэтигэр үөр атыырын чугаһаппатах
Сэттэ кундул-ханыл
Байтаһын биэ,
Эдэр-эмньик да эрдэхтэринэ
Эр киһиэхэ иҥээҥнээбэтэх
4730 Сэттэ кыыһынан кырдьыбыт
Киҥ-татыа дьахтар