Page 152 - Элэс Боотур Бүөтүр Оҕотоойоп

136 П. В. ОГОТОЕВ

Уйгу быйаҥмытыгар умсаахтаан,
Барҕа баайбытыгар маҥкырдаан
Күтүөттээн күскэйбитэ
Күн бүгүн үс төгүрүк сылын
Томтойо туолла.
Ол устатыгар
Мин убайдарбын кытта
Үс төгүл охсуһан
4660 Хайалара да кыайбата,
Эрбии биитин курдук
Тэбис-тэҥ буоллулар...
Онуоха туран
Уолаттар
Уос омолуйбуттара:
«Үөс Тардар!
Өһөх Хабар!
Элэс Боотуру
Өлөрдөхххүнэ эн өлөрүөҥ.
4670 Эһэ Хара аттаах
Элэс Боотуру
Өлөрөн-өһөрөн баран
Үс балыстарын үһүөммүтүгэр
Кэргэн аҕалан биэрдэххинэ,
Баар-суох
Мааны балтыбытын
Эн бэйэлээххэ
Этиһиитэ-охсуһуута суох
Эйэнэн-эккэнэн
4680 Биэрэн ыытыа этибит.
Урууну-тарыыны
Уһатыма, улуу күтүөр,
Түргэнник аҕалтыы оҕус!
Бараргын кытта
Барҕа малааһыны
Бэлэмнээбитинэн барыахпыт,
Бара оҕус», — диэбиттэрэ.
Үөс Тардар
Өһөх Хабар обургу
4690 Өс киирбэҕэ дэлэтэ дуу,
Үөрэн өттүгүн