Page 154 - Элэс Боотур Бүөтүр Оҕотоойоп
P. 154
138 П. В. ОГОТОЕВ
Үс төгүрүк сыл
Ииктээбит ииктэринэн
Амаан айахтаах амсайбат
Аһыы арыгы оҥорон
Бастыҥ остуолга ууран,
Кини диэтэх кэлэрин кэтэһэн
Күүтэн олорбуттара.
Кэлэрин кытта
4740 Бастыҥ остуолга
Олордо охсон
Маанылаабытынан барбыттара.
Ол улуу күтүр
Үс уһаат
Ииги иһээт,
Итирэн-иирэн барбыта.
Аһыыр да бокуойа суох
Ап-хомуһун
Ампаар диэки
4750 Тоҕуста кылыйан,
Тоҕуста ыстаҥалаан,
Онуһун оруобуна
Ап-хомуһун ампаар
Аһыллан биэриитигэр түбэһиннэрэн,
Иһирдьэ биирдэ
Буурдаан кэбиспитэ.
Киирээт даҕаны
Кыыс бэрбээкэйиттэн
Муос хабар ҕатыгар диэри
4760 Ап-хомуһун
Өлүү ситиминэн
Ампаар ортотунааҕы
Хара баҕанаҕа
Хамса умнаһын курдук
Хам кэлгиллэн турарын
Бэйэтэ да билбэккэ хаалбыта.
Ону эн, бука диэн,
Тыытар эрэ буолаайаҕын!
Ол улуу күтүр
4770 Хараҥа хаайыыттан
Халты харбаттар эрэ
