Page 189 - Элэс Боотур Бүөтүр Оҕотоойоп

173

Халдьаайы тыа
5990 Хаппыт хатан маһа
Хайыта барыар диэри
Хабарҕата хайдарынан
Хатан дьыбарга
Хаһыытыы - ыһыытыы,
Аллараа дойдуну аймаһытан
Айаҕа хайдарынан алларастыы,
Үөһээ дойдуну үөгүлэтэн
Үөһэ тэстэринэн үөгүлүү,
Үөрэ-көтө, үөҕэ-түрүйэ турда.

Үөс тардар

6000 «һи-һи-һии! һа-һа-һаах!
Ар-дьаалы, арт-татай ини, оҕолоор I
Элэс Боотур эрэйдээх,
Хайа кэпкинэн
Мин бэйэлээх
Аҕыс уон аҕыс ааһар албаспын
Аһара түһэн,
Тоҕус уон тоҕус
Куотар кубулҕаппын куоһаран,
Кыайыам-хотуом диэн
6010 Киирэ да турбутуҥ баар ээ!
Көмүскэстээх санаалаах,
Күүрээннээх тыллаах,
Күүгэн эттээх
Күн айыы оҕото
Кыайбат киһитэ буолуом.
Аҕыспын ааһа иликпиттэн
Амырыын алгыска алҕаппыт,
Тоҕуспун туола иликпиттэн
Томороон тойукка туойуллубут,
6020 Айыы аймаҕын
Аһыныам суоҕа диэн
Аан дархан
Андаҕары андаҕайбыт
Ааттаах киһибин.
Киэҥ халлаан даҕаны