Page 190 - Элэс Боотур Бүөтүр Оҕотоойоп

174 П. В. ОГОТОЕВ

Килбиэннээх бэрдигэр,
Орто дойду даҕаны
Улуу дуоланыгар,
Аллараа дайды даҕаны
6030 Аҥаарыйар ааттааҕар
Күүспүн өһүллэрбэт,
Сындааһыммын сыыйтарбат
Улуу хаан оҥоһууга
Уһаарыллыбыт уол оҕобун.
Эрэйдээбэккэ эрэ өлөрүөм —
Иттэнэ түһэн кулу,
Сордообокко эрэ сиэм —
Умса сытан кулу.
Ону ылыммат буоллаххына,
6040 Сыраҕын бараан,
Сындааһыҥҥын сыыйан,
Тыыҥҥын иһиллээн,
Тымыргын ылҕаан
Тыыннаахтыы сиэм, нойоон», диэтэ.

Элэс Боотур

«Аан күдэн тыыннаах
Адьарай аймаҕын
Ааттаах адьырҕата,
Ааһар былыт курдук
Араас албаскын
6050 Алыс наһаа арбаама.
Куотар былыт курдук
Кулан дьай кубулҕаккын
Олус улаханнык эрэнимэ.
Халыҥ тириигин хайытыам,
Хара хааҥҥын тоҕуом,
Чиргэл уҥуоххун кумалыам,
Чэгиэн эккин сэймэктиэм,
Чиккэйэн турар сиһиҥ үөһүн
Тирк гына быһа тардыам,
6060 Өһөх хара тыыҥнын
Өлбөөдүйэ суһумнуур
Өһүк хараҥа халлааҥҥа