Page 191 - Элэс Боотур Бүөтүр Оҕотоойоп
P. 191
ЭЛЭС БООТУР 175
Өрө уһуутатыам,
Өлөрөн-өһөрөн
Үөн-көйүүр аһылыга гыныам», — диэтэ.
Этиһиилэрэ-үөхсүүлэрэ
Бүппүт дьон быһыытынан,
Икки таас хайа
Ыпсыһа түһэллэрин курдук
6070 Кэтиллэ түһээт,
Кылана-кылана
Кырбаспытынан бардылар.
Соххор содуома,
Балай бардама
Манна буолла.
Сах быһылаана,
Өлүү дүбдүргэнэ
Манна үөдүйдэ.
Ый быыһа
6080 Ытыс таһынар
Ыас хараҥаны ынчыктатан,
Ыһыытаһа-ыһыытаһа
Ыраах кыыратыһан,
Хаһыытаһа-хаһыытаһа
Халыҥ тириилэрин хайытыһан,
Хара хааннарын
Халаан уутун курдук халыһытан,
Субай хааннарын
Сүдү үрэх курдук сүүрүгүрдэн,
6090 Хааннарын көрө-көрө халыарыйан,
Харсыларыттан тахсан,
Хахайдыы хапсыһан
Ый отут хонуга
Ылбат- биэрбэт
Тэбис-тэнлгэ түһүстүлэр.
Иккис ыйдарыгар даҕаны
Эрбии биитин курдук
Тэбис-тэҥ буоллулар.
Үһүс ыйдарыгар
6100 Үөс Тардар обургу
Үөгүлүү түһээт,
