Page 209 - Элэс Боотур Бүөтүр Оҕотоойоп

ЭЛЭС БООТУР 193

Сүҥ Дьааһын.
6760 Эттэрэ-хааннара эстибит,
Этэрик түөстэммит,
Иҥиир тараһаламмыт,
Иннэлик унуохтаммыт,
Иэҕэҥнэс буолбут эрэйдээхтэр
Тыыннарын өрүһүйбүт киһи
Түөрт өттүттэн
Төгүрүйэн туран,
Бары биир киһи курдук
Махтанан-баһыыбалаан,
6770 Уруйдуу- айхаллыы,
Алгыс алгыы,
Тойук туойа турдулар.

Босхоломмут бухатыырдар

«Орто Дойду
Улуу дуолана
Эһэ Хара аттаах
Элэс Боотур,
Үс хара бараа күлүккэр
Үҥэн-сүктэн,
Бастыҥ барҕа
6780 • Махтал буоллун!
Өлөртөн өрүһүйбүт
Ү т үөҕ үн - өнөҕ ү н
Үйэ-саас тухары
Өйдүү-саныы сылдьыахпыт.
Бэйэҕэр буолбатаҕына
.X
Бэдэргэр төлүөхпүт.
Үйэҥ тухары
Өлөөрү гыммыттары өрүһүйэ,
Быстаары гыммыттары быыһыы,
6790 Умса түспүттэри
Өрө тарда сырыт», — диэт,
Үөрэн-көтөн,
Өрөйөн-чөрөйөн
Күн айыы сиригэр
Көтө турдулар.