Page 136 - Олоҥхо биһигэр

1.6.24. ЛЭППЭРДИИР ИСПИРДИЭН
Мин аҕам Сивцев Спиридон Петрович-Лэппэрдиир Испирдиэн
нэһилиэгэр, улууһугар биллэр олоҥхоһут эбитэ үһү. Үксүгэр Намҥа
хамнаска сылдьыбыт. Сотору-сотору II Өспөххө Бөтүрүүсэ кулубаҕа
кэлэн олоҥхолуура дииллэр. Саамай улахан уолбуг кэргэн ылаары,
таҥас-сап булуна куоракка киирбит. Ол тахсыытыгар куор ыарыы-
гын хабан тахсыбыт. Онон төрөппүттэрим, убайым биир-икки хонук
быысаһан өлбүттэрэ. Биһиги барыта сэттэ оҕо тулаайах хаалбыппыт.
Үтүө санаалаах дьон оҕолору үллэстэн, бары тус-туһунан иитиллибип-
пит. Онтон билигин тыыннаахтара мин. Дьонум өлөллөрүгэр үстээх
этим. Онон, кинилэр 1922—1923 сыллаахха өлбүттэрэ буолуо. Аҕам
оччолорго 60-тан тахсыбыт буолуохтаах. 40-чатыгар кэргэннэммит.
Ийэбит олус ыарыһах этэ. Билигин бииргэ төрөөбүттэриттэн уонна
миигиттэн барыта сэттэ сиэн баар.
//.//. Нестерова,
Олоюсоһут Лэппэрдиир Испирдиэн кыыһа
1987 с.

1.6.25. СОЛОВЬЕВ ПРОКОПИЙ НАУМОВИЧ
Былыр Арҕаа Баатаҕайга алаастарынан бытанан олорор кэм-
нэригэр ЬШыах Ыспыт диэн сиргэ Соловьев Прокопий Наумович
олоро сылдьыбыта. Киһи иһиттэр истиэн курдук дэгиттэр куоластаах,
киэҥ суоллаах-иистээх ырыаһыт киһи этэ. Чугастааҕы нэһилиэктэри
кэрийэ сылдьан араас түһүлгэлэргэ, ыҥырыыларга олоҥхолуура
үһү. Чэриктэйинэн, Дүпсүнүнэн сьшдьан олоҥхолообута биллэр.
Советскай былаас буолбутун кэннэ кулууптарга, ыһыахтарга ыл-
лыыр буолбута. Сиртэн-буортан тэйбит курдук сүрдээх ыраас, чэнчис
оҕонньор этэ. Сценаҕа маҥан ырбаахылаах, солко курдаах, хап-хара
саары этэрбэстээх тахсар буолара. Таҥас-сап дэлэйэ илик кэмигэр
олус кэрэтик көстөрө. Дьэ, уонна ыллаан киирэн бардаҕына, киһи
кутун-сүрүн тутар гына хас биирдии киһитин куолаһын уларытан
ыллатар буолара.
Бэйэтэ икки олоҥхолооҕун чуолкай өйдүүбүн. Кэнники, сэрии
иннинэ ол олоҥхолорун сценаҕа туруортара сылдьыбыта. «Күүстээх-
уохтаах Күн Толуур» олоҥхотугар кыттыыны ыла сылдьыбыттааҕым.
Күүстээх-уохтаах Күн Толуур диэн айыы бухатыырын оруолун
толорбутум. Олоҥхо тылын-өһүн этээччи Акыман Баатыр оруолун
Прокопий Наумович-Намыын оҕонньор бэйэтэ толорбута. Кыһыл
Буулуур аттаах Кыыс Кыскыйдаан дьахтар оруолун оччолорго эмиэ
аатырар ырыаһыт Бурнашев Петр Степанович-Быыкаан, Хаан Дьар-
гыл диэн абааһы уолун Е.Е.Тусаков толорбуттара. Ити олоҥхонон
нэһилиэктэри кэрийэн дьон биһирэбилин ылбыппыт. Намыын
оҕонньор иккис олоҥхотунан «Күүстээх-уохтаах Күн Эрилик » буо-

132