Page 105 - Алаатыыр Ала Туйгун. 2-с үйэтэ

Тордуйалаах уу курдук
Долгуһуйдулар
4110 Аҕыс иилээх-саҕалаах
Аан ийэ дайды
Аарыма байҕаллара
Атыйахтаах уу курдук дьалкыстылар.
Сир ийэ
Сиксигиттэн титирэстээтэ,
Киэҥ халлаан кэдэлдьийдэ,
Үрдүк халлаан өҕүллэҥнээтэ,
Добун холорук турда,
Аан халарык ааҥнаата.
4120 Силээхтэ киһи силэ
Сиргэ тиийбэккэ
Силимнэһэ тоҥор
Силлиэ-буурҕа сирдьиттэннэ.
Бургунас ынах
Муоһун булгурута охсон барар
Буолунай буурҕа буолла.
Тиҥэһэни тибии типтэ,
Торбуйаҕы тонот батгаата,
Кулуну хомурах көмнө,
4130 Сэттэ харыс хаар түстэ,
Дэгиэ кыыл
Тыҥыраҕын суола хаалбат
Дьулаахыр тоҥото буолла.
Куула тыа маһа кумаланна,
Халдьаайы тыа маһа хардарстанна,
Үрдүк тыа үлтүрүйдэ,
Сис тыа сиҥнэһиннэ,
Куруҥ тыа кумаланна,
Тыымпы күөллэр
4140 Биттэхтиин тиэриллэн
Дьэбидийэ тон'нулар,
Көлүйэ күөллэр
Көппөхтүүн күөрэйэн
Төйө тоншулар.
Ыыр балык ыабата,
Этэр кэҕэ эппэтэ,
Көтөр көнчөх көппөтө,
Торүүр төрүөх төрөөбөтө,
Киһи-сүөһү кэҕиннэ,
4150 Адьырҕа кыыллар
101 -