Page 108 - Алаатыыр Ала Туйгун. 2-с үйэтэ

Охсуһууга киирэр
Суорба хара киһи буолан,
Суодас гына түстэ.
4240 Абарбыт-сатарбыт саҥанан
Амырыын үлүгэрдик
Ардьайыаҕынан ардьайан баран,
Аҥылыҥныы турда:
— Аар-дьаалы
Аарт-татай оҕолоор!
Бу түөрт сүдү байҕал төгүрүмтэлээх,
Охсуһуулаах остуолба хайа иччилэрэ,
Оһол-төрүөт уолаттараа,
Кыыра-часкыыр кыргыттараа!
4250 Саах-балбаах саҕа
Сараһын эмэгэттэрээ,
Сыбдыҥнаһа сылдьымаҥ,
Үөһээ-аллараа туруҥ,
Үрүө-түрүө көтүҥ,
Уобар-соллоҥ иҥсэлээх,
Оһол-төрүөт олохтоох,
Оботгоох-чупчурҕаннаах
Удурҕаччы хара
Отут удьуордарын
4260 Торолуйар тойоно буолбут
Ускунньахтаах Уот Кутаалыҥса
Улахан уола
Өксөкүүлээх Биэхэстэй
Үөлэн Харбыалыкы хара аттаах
Өлөр өлүү Түбүлээн Хара кэлэммин
Айыы хаан аймаҕыттан
Албан аатгаахтарын
Алаатыыр Ала Туйгун бухатыыры
Манна аҕаламмын боҕутуннарар
4270 Үтүө күнүм үүннэ.
Хайгыалаах хара быарын
Хатан тыҥырахпар иилэн олорон,
Баллырҕаччы эмэрим кэллэ.
Нохтолоох тойон сүрэҕин
Сулбу тардан таһааран,
Токур тарбахпар
Тобулу иилэн олорон,
Чобурҕаччы оборор күнүм буолла.
Хаанын таммах да

- 104 -